病病的一周

28 July 10 Isaac仲未病好, 一飲野就咳, 病既呢個星期, 無飲奶, 因為衰豬一咳到屎就唔肯再飲了. 除左唔肯飲奶, 連正餐都唔係好肯食, 有時得兩啖, 有時一啖都唔食, 餓足成日, 真陰公.

Isaac: 唔.....我無胃口食呀

工人千辛萬苦氹Isaac試下, 好在媽媽叫工人整薯蓉甜甜地, Isaac 呢餐又肯食.

Isaac: 又好似幾好味喎

29 July 10 婆婆知Isaac病左, 過黎幫手餵葯.

Isaac: 咦, 咁好黎探我既

Isaac: 雖然我好病, 但我都想落街街

睇下隻腳損到呢.....媽媽諗過係咪呢撻流哂血既蚊咬傷口, 搞到阿仔發燒咁多日.

Isaac 最鐘意會所呢張梳化. 可能貪佢夠大張, 坐左落去似大人掛.

聽婆婆話, 身後呢位細過Isaac既小朋友, 係Isaac 好奇過去握手想同佢玩.....點不知對方太牛了....一野扯Isaac, 好大力個隻.

Isaac: 嗚....我唔想同佢玩啦....佢蝦我.

30 Juy 10 呢日仲係好病既Isaac, 之前半夜忽然又發燒. 唉, 呢日幾乎又係奶同固體都唔食.

Isaac: 我口淡淡唔想食吖嘛

叫工人呢日煮通粉, Isaac就食左半碗咁多.

31 July 10 工人忽然打黎話Isaac又發燒. 呢日全日Isaac 練仙. 一粒米同一滴奶都無飲.

Isaac: 我呢係凳底呢個樣証明我未病得哂.

同爸爸玩既樣, 邊忽似發燒又成日無食過野既小朋友呢.

晨早去海灘

25 July 10 為左多 D 帶 Isaac 認識下世界, 媽媽最近都打算晨早起身, 趁太陽未最強時, 帶 Isaac 去沙灘. 呢日終於去左...其實都好猛太陽下, 不過時間仲早, 所以有涼風陣陣, 都好舒服

Isaac去到好專心玩沙, 阿媽都唔理, 又唔肯走, 連行出去海都唔制, 要痴實個沙堆.

Isaac: 屋企無得玩沙呀

點解無啦啦又肯起身企係度? 因為媽媽想夾硬的佢出海. Isaac 就發脾氣, 把手上的沙鏟掟落地. 結果當然要自己執返

Isaac: 我唔想落海呀

Isaac: 都係沙沙好玩 d

成日, Isaac都無瞓, 爸爸媽媽等到成兩點, 帶 Isaac 出去食lunch, 呢舊芝士玩具, Isaac 好用心咁諗緊點玩

26 July 10 食埋媽媽之前買既奇異果.

27 July 10 晨早, Isaac 拎住兩個新玩具, 一副掃地咁既樣, 好搞笑.

最搞笑係, Isaac 識得揭起個車仔蓋當垃圾桶, 掃完係咁倒落去咁款.

Isaac: 等我試下坐呢個盒同坐痰罐有乜分別先

下午, 爸爸話Isaac又咳又有鼻水, 跟住仲發埋燒. 所以爸爸黃昏帶左 Isaac 睇醫生, 原來仲有喉嚨發炎呀, 真係辛苦了.

0904 gathering @ 名車博覽館

24 July 10 呢日 Isaac 節目好豐富, 好在臨出門口, 瞓左兩個鐘姐

爸爸為大少特別設計左個超等座位

後補一個playgroup video, 無法, blog最多upload三個, 所以呢度後補多個. Isaac好鐘意玩, 又係一口氣排左兩次. 証明呢日既Isaac真係回復大勇了.

去完playgroup, 我地又打的去長沙灣既名車博覽館......因為呢日有0904 既gathering呀. 遲左去, 但無損阿仔玩個夠既心情. 

Isaac: 嘩, 乜咁高既

係上面個層糾纏左好耐, Isaac 都唔想sir 滑梯. 因為上面實在太吸引了. 不過爸爸都有夾硬捉住阿仔sir囉

Isaac: 我都話唔sir囉

上面有乜咁吸引? 咪就係呢個轉轉

轉到阿仔玩左好耐. 由有小朋友一齊玩都大家散水, Isaac 仲係好專心咁轉, 笑死媽媽.

Isaac: 媽媽, 一齊黎玩轉轉啦

呢個轉轉連社長jasper 都好鬼high.....high在有人扮嚇佢, 佢會好high咁扮驚. 好搞笑.

Isaac 就好認真咁轉, nathan係後面好想玩咁望, 但又唔埋黎玩喎

Isaac: 等我研究下呢個係乜原理先, 上面有乜可以令佢轉既呢

Isaac最鐘意波波, 一見到波就拎上手. 係playgroup又係咁.

但拎住兩個波, 仲邊有手爬上呢個斜台到呢

足之咪要阿媽的返佢出黎囉.....

回復正常上第 5th lesson@mygym

24 July 10 又係playgroup時間, 唔知係咪真係日以繼夜都拖Isaac出街, Isaac 呢堂又回復返以往狀態, 完全唔抗拒比導師掂. 真好

Isaac: 哦, 你偷影我

Isaac: 爸爸, 佢偷影我呀

一開始個每周game係迷宮, 好平凡呀, 好似排隊行路咁. 不過都唔好睇少佢, 一路行, 不知幾多尖叫聲同喊聲.

除左迷宮, 又到呢個fing fing 時間, 媽媽都好surprise, 一比人的左上去, Isaac同以前一樣, 無抗拒喎, 仲玩到o o 地咀tim.

不過去到要排隊玩另一樣野, Isaac又發脾氣, 坐左係地做大爺唔肯郁.

Isaac: 比我自己踩上滑梯好過啦.

Isaac: 你睇我踩得幾興奮

最興奮莫過於呢個遊戲, Isaac 連玩三次, 第一次係最happy, 一跳起時, 成個人擘大口笑.

Isaac: 吖, 媽媽係個邊呀               爸爸: 係喎.

每堂必有既盪千秋, Isaac一如以往, 都係咁唔得專心. 呢次爸爸係咁叫佢, 佢都仲係望住隔離既, 唔通有個大美女係個邊?

爸爸放假陪仔仔

21 July 10 Isaac: 好悶呀, 碌下個波先.

22 July 10 爸爸請左一周假, 因為要帶眼鏡持續一周至去到驗眼做激光, 所以係屋企陪阿仔啦. 順理成章, 呢日一家大細去飲茶.

爸爸: Isaac 你想食乜呀, 我點緊點心呀                       Isaac: 我乜都食

Isaac仔前半part痴實媽媽做馬蹓, 異常活躍咁. 為免危險, 所以媽媽都係比Isaac 同工人坐算. 一去到工人個邊, 又肯坐定定喎.

婆婆: 舊包唔熱啦, 可以食得

返到屋企, Isaac 拎呢幾舊新玩具出黎玩.

玩左三分鐘又掉低, 走去拎支原子筆玩, 媽媽唯有比支買左好耐既顏色筆比Isaac 畫下.

晚飯後, 媽媽愛心去核車厘子又黎了. 食到Isaac仔個咀仔幾爆, 就知有幾好味.

23 July 10 半夜, Isaac 瞓瞓下碌左落大床, 忽然一聲慘叫喊聲, 嚇醒左媽媽. 一扎醒, 嚇見阿仔扒左係地下唔識郁, 攝住床隙到, 好慘呀.

阿仔忍痛能力又係一流, 一抱起即收聲.....雖則額頭即紅左一片. 但無礙少爺繼續揾周公心情. 之但係咁仆一仆, 跟住阿仔係床磨左個幾鐘囉....搞到媽媽成半夜三點至瞓到.

Isaac: 唔好嬲啦媽媽, 我都唔想碌落地, 碌左落地又唔想典床架, 但我有陰影架嘛, 要時間沖淡下至瞓得番.

呢日工人整左唔知邊度既海南雞飯(爸爸話梗係印尼既海南雞喎).......事緣媽媽買左隻雞話要食海南雞....但工人整出黎隻雞係似蒸唔知乜雞咁, 好好好深色, 但工人又有用唔知乜黎炒飯架喎....因為個d唔知係用雞油炒既飯定用乜炒既飯, Isaac 呢晚無飯食, 爸爸就比左Isaac 食佢生平第一次既薯片.

都唔知係咪太好味, 阿仔搏哂命塞到成咀都係, 薯片好硬, 兩三次塞到自己就黎哽親眼水都標埋, 真係叫媽媽担心屎.

因為爸爸休息, 媽媽呢日更加有借口唔返學, 返去一家三口一齊食晚飯. 因為爸爸返工的日子, 真係無乜幾可咁早晚飯架咋. 所以媽媽呢晚心情好靚, 除左海南雞, 仲即call外賣加碟九吐魚當加餸算.

如果爸爸返工都可以咁早一齊晚飯就好囉.

生果 . 玩樂 篇

12 July 10 媽媽見惠康呢排金奇異果特價, Isaac 只係食過奇異果, 未食過金奇異果, 所以就一口氣掃左六個返去, 工人話 Isaac 好鐘意食金奇異果喎. 梗係啦, 咁甜.

Isaac: 乜姐, 我唔係淨係鐘意食甜既金奇異果架

無錯, 呢個pose係大少見到媽媽切橙, 拿拿聲坐自己係張膠凳到, 等媽媽分享橙橙. 食到佢個咀塞滿哂.

夜晚, 媽媽好好心機咁撩哂西瓜 d 核出黎, 比 Isaac仔食. 嘩, 甜到呢, 阿仔個口都未吞完, 就起勢咁叉新既入口. 好餵食呀.

 Isaac: 媽媽, 我遺傳你架咋.

13 July 10 Isaac 仔好鐘意把新遮, 夜晚出街都想拎埋出街. 唔出街係屋企, 又拎黎玩. 其實好似人地舞劍咁款囉

Isaac: 我要寫個字係地下先

Isaac: eeee....擺個pose比你影相啦.