2 July 10 Isaac: hmmm 我係咪高左呀?
3 July 10 呢日爸爸返工, 媽媽唯有放工飛車返屯門再接Isaac出紅磡, 好頻撲, 就係為左 Isaac 仔上playgroup happy 下. 點知今日唔聽話, 要痴實阿媽, 玩乜都喊, 嘥哂.
有相為証, 未開始時比阿媽捉去踩板仲死抓住個波架.
媽媽: 同工人say hi 啦 Isaac: 嘩, 好多人望住我, 我好驚驚呀
都唔記得做乜兩母子個表情咁O咀.....
點解來來去去都係呢個SETTING 玩架.....咪就係大少死都要痴實阿媽, 唔肯玩其它野. 有相為証, 右手邊咪就係廿四孝阿媽拿拿臨走位返去阿仔前面囉, 真辛苦呢位阿媽.
開始玩game, 就開始喊, 呢個video好混亂, 但由1分零8秒就會見到Isaac 點比人夾硬抱開阿媽即喊
Isaac: 我夾實媽媽, 你地唔好諗住抱走我 媽媽: 你喊乜姐, 好好玩架.
卒之各種game都係做大喊十.
回程坐車見到有個姐姐, Isaac 無啦啦除左對鞋仲隊對腳比人睇, 真係失禮.
阿仔出面扮哂野要痴實阿媽做斯文, 返到屋企沖完涼又現哂形
Isaac: 唏, 我爬上黎話咁易............爸爸你咪睇少我至得, 成日話我有幾耐至識爬上餐椅再駁去其它野
沒有留言:
張貼留言