撼損左個下唇

12 July 10 Isaac: 你做乜又影我食飯?

13 July 10 婆婆呢日黎探Isaac, 仲帶左 Isaac 落公園玩tim

Isaac: 好開心呀, 婆婆帶我落黎玩玩

返到屋企, Isaac 扮鬼扮馬, 好搞笑

Isaac: 嘻嘻...我見到你

14 July 10 早上十一點近五十分, 工人打電話黎, 話 Isaac 撼親, 流血呀. 聽到我火都黎都聽唔明工人講乜. 最後要出動到印尼文既sms, 再人手翻譯至知 Isaac 撞到下唇係咁流血.

即call 婆婆上黎望, 婆婆話無事喎. 不過夜晚輪到媽媽返去睇, 嘩, 成個下唇腫哂都話無事 @_@ 仲要穿左兩個大洞. 下唇出面都紅埋. 爸爸媽媽覺得好似差少少就牙仔都撞穿埋出黎咁

大家留意下呢日既相, 同上面既相, 呢日全部阿仔都含住下唇架, 可能太痛了, 表情都係得一個. 阿仔你忍痛能力好叻, 呢個係遺傳自你爸爸的, 再唔係就遺傳自媽媽陣痛個三十個鐘, 你吸收左唔少忍痛能力.

Isaac: 你高處影落黎好啦, 唔好影到我個腫咀.

呢張相, 好明顯阿仔已經成個人拉長左, 唔再係肥仔了.

Isaac: 哈哈, 我要忍住笑, 個咀好痛呀, 要"面"住個咀先.

夜晚返去, 阿仔個咀係維持呢個樣.....一野含哂下唇入個口到, 我覺得係因為痛得滯囉.

雖然 Isaac 落街街玩, 但好明顯係笑唔出架. 希望阿仔個咀快 d 好返啦.