playtown

18 July 10 爸爸呢個夏天成日都話去playtown, 講左好多個禮拜, 足之呢日去得成.

不過去到西環, Isaac 仲掛住揾周公, 岩架啦, 儲定能量一陣玩個飽.

一入playtown, 阿仔又一如以往啦, 見到gym setting 既野, 阿媽都唔理, 有相為証架

Isaac: 我諗住上去探下路咋

媽媽係 bb區, 見到有條滑梯, 諗住放Isaac落去sir啦, 點不知條滑梯太直太跣, 仆一聲....阿仔個頭係咁撞滑梯, 彭彭彭咁sir落去, 阿媽係滑梯頂不知幾後悔呀.

sir到呢度仲衰, 阿仔頭仔由黃色個滑梯尾跌埋落墊到, 又彭多一次, 無陰公囉.....足之係阿媽比老豆係滑梯底到罵左幾句.

爸爸示範一次, 點同 Isaac 仔sir滑梯.

Isaac 仔雖然外表斯文, 但其實好大胆好男仔, 入到playtown爬繩網, 行繩網一律不怕. 當無回事咁, 叻仔.

爸爸: 阿仔, 望下鏡頭啦      Isaac: 唔好騷擾我啦, 我好專心咁爬緊.

Playtown一共有四條滑梯, 有一條係好直既大滑梯, 就由爸爸同 Isaac sir啦

除左呢條同樓上個條, 仲有兩條又彎又斜既滑梯, 媽媽sir個時都會坐唔穩, 歪埋一邊咁sir落黎, 幾驚整到 Isaac 手仔.

Isaac 見人坐車仔, 佢又想坐, 足之廿四孝媽媽幫 Isaac 揾到架吉車, 比 Isaac 坐一陣.

不過 Isaac 都係鐘意冒險多, 坐左無耐寧願走去摸下爬下跑下咁

玩玩下都唔知點解爬左去大細路一區, 裡面有繩網. 媽媽初初仲以為 Isaac 會怕怕. 點知佢又大無懼咁行喎

Isaac: 我帶你行啦, 唔好咁驚啦你                      媽媽: 我扶住繩網係怕你跌咋

Isaac: 你雙手扶住我啦, 我都話我唔怕, 我帶你路.

行完繩網, 又到 Isaac 最鐘意既玩節. 玩到一副滿足既表情都出埋黎

最後, 我地又去返bb區玩, 因為其它區實在太多大朋友fing 黎fing 去跑黎跑去, 我地好怕 Isaac 比無情力撞親

bb區又有一個繩網, 不過就係用好粗既織布方式整成. Isaac 仔腳仔仲係好細, 試過踩空, 成隻腳跌左落個網外, 個人坐左落去....媽媽搞好耐至搞返佢隻腳仔出黎. 好在 Isaac 仔夠淡定, 無喊無嚇親姐. 不過就因為咁, 回程時要爸爸扶住, 免得又踩空跌左腳仔出去.

Isaac: 有爸爸果然無有怕, 我隻腳仔唔會再跌出去個網外.

玩左成兩個幾鐘, Isaac 最後可能無力了, 寧願坐定定捉住我地陪玩串珠. 其實媽媽都唔係好明串珠有乜訓練作用呢可. 做乜各大小教室都好似好鐘意用串珠咁.