4th lesson @ mygym

15 July 10 撼傷左下唇既翌日, Isaac 已經回復平時個表情了, 唔會再含住下唇. 不過兩個大洞合二為一, 變左一個大洞. 裡面仲係腫. 好似仲腫過之前一晚.

16 July 10 晨早, Isaac 拎部相機比媽媽, 要媽媽幫佢影相, 跟住Isaac 就好快咁擺pose. 可惜媽媽影唔到Isaac 望鏡頭既moment, 媽媽真係無用了.

Isaac 真係好聰明, 影完相就走埋黎媽媽到, 要replay返相相比佢睇下影得靚唔靚.

17 July 10 又係媽媽同Isaac上playgroup既日子. 基於之前兩堂, Isaac 都好反常, 唔係點玩每周新setting既玩意. 呢個wk, 爸爸媽媽簡直係輪住咁早上夜晚都帶Isaac落街, 務求可以比Isaac見多d野, 唔好周一至周五廿四小時都悶係屋企, 搞到返playgroup 咁怯場.

雖然今次playgroup仲未回復返當初大無懼既精神, 不過叻左架啦, 除左倒立唔肯玩之外, 其餘Isaac 都有玩. 行單槓就錄唔到video因為太入了, 影唔到.

好叻架啦, 肯比人抱住玩呢個唔知叫乜東東.....成程無喊, 只係去到尾有少少唔耐煩姐

跟住玩呢個sir千秋....本來係唔喊, 梗係個阿媽又係佢前面揚黎揚去, 激發Isaac 又扮喊......點解扮喊? 因為一落地即若無其事去爬sir滑梯.

同之前一樣, 見到波波池發狂, 唔願走, 仲係波波池狂笑. 莫非開心到傻左.....

除左狂笑, 仲鐘意比波波比其它小朋友玩, 搞到成場好似Isaac係最唔驚波波池既一個咁.

成堂playgroup, Isaac 係呢個moment最可以唔駛阿媽係佢身邊. 呢個亦都係mygym 既建議, bb坐紅色圈, 家長要坐係藍色範圍. 我記得試堂時, Isaac 仲係要痴實阿媽一齊要坐紅色, 估唔到兩堂已經進步左, 可以忘記阿媽. 今日更加厲害.

上完playgroup, 為答謝姨姨專程帶Isaac去車站比媽媽, 我地幾個就去食晚飯了.....Isaac 第一時間要睇menu選菜.