粟子西餅 @ 九龍酒店

因為害喜, 成日無胃口食野, 尤其一到晚飯時間, 求其飲碗湯食兩啖已經好飽唔想再食. 所以爸爸成日都買甜品返黎幫媽媽開胃.

其中一個甜品係, 九龍酒店既粟子西餅, 唔太甜, 好滑既粟子mouuse.

媽媽可以一滴不剩食哂, 因為一 d cream都無架, 岩哂我口味.

最憎食旦糕有大大pei cream, 呢件西餅反而無. 所以係推介之選.

爸爸話唔算好貴, 都係28大洋一件. 平過konditional ^_^

不過害喜期過去了, 踏入第八周, 媽媽已經回愎一個正常人, 唔駛再揹住件長袖外套亦都唔駛餐餐誓願咁. 所以爸爸唔好再買咁多甜品返黎啦, otherwise, 患上妊娠糖尿病, 對 bb 同媽媽都係一件長遠既病黎.

四天生活照

22 Aug 10 阿仔一等親巴士, 就會學大人咁, 企得好招積.

爸爸概嘆, 做乜你地兩母子個表情同眼神都一樣架

一齊唔望鏡頭

一齊啤住爸爸.

23 Aug 10

Isaac: 吖.....比你影到我抹塵tim

 

Isaac: 我叻唔叻, 幫你抹塵呀, Jinla.

24 Aug 10 Isaac: 你估唔估到呢個係由邊個角度影吖?

Isaac: 做完瑜珈要跑下步keep fit

Isaac: 做完運動好肚餓, 好在工人整左南瓜糕, 好好味.

其實呢日媽媽唔係叫工人整南瓜糕囉, 係叫佢煎南瓜餅. 但英文既餅 = cake.....工人就走左去整糕. 笑死媽媽.

25 Aug 10 Isaac: 點都好啦, 總之有得食就得

Isaac: 我又摷左媽媽兩本書出黎呀....睇邊本好呢?

 其實係阿仔又拎兩本書黎抹地囉.

Isaac: 你隻狗仔唔好再咁大聲呀, 我扯甩你耳仔架你再嘈.

9th lesson @ mygym

21 Aug 10 又係上playgroup時間, 話咁快就第九堂. 媽媽因為懷孕, 開始好累, 所以呢堂全程由爸爸陪玩

做乜阿仔會爬地呢?  對眼望住乜呢?

咪就係要去搶人 d 玩具囉. 呢個玩具既吸引力遠超過玩左九堂既gym

已經玩厭左gym settting 既阿仔. 家下唔止滿足於爬樓梯sir滑梯, 仲要再爬高 d

 呢一個動作, 引黎門口影相既家長嘩然.....因為做乜咁曳架

Isaac: 無事, 做乜大家係咁嘩呀?  無事發生過

玩到厭, 唯獨對波波池仲係好興奮, 爸爸一野就的左阿仔落池. 不過呢個動作真係擔心死媽媽了. 一陣甩骹點算

Isaac: 嘩, 前面有個朋友仔仲好玩啦

Isaac: hihi.....

阿仔而家見到同伴, 會好熱情咁捉住對方or hug對方, 呢個係佢地 bb 同 bb既溝通方法黎.

行到悶忽然又跑左去上樓梯, 有相為証, 爸爸都無佢咁快手腳呀

呢堂其中一個玩意係跳step, 爸爸都唔等miss了, 自己同阿仔跳.

跳完, 阿仔唔肯走, miss 又要同佢跳多次

不過阿仔都係唔肯走喎

Isaac: 等我整古你先

Isaac: 靜靜雞加多塊, 睇你點跳

阿仔好鐘意整潔, 係遺傳爸爸既, 所以一直磨係呢個area唔肯走, 不停咁執圈圈收埋. miss後黎索性比佢收埋滿足下阿仔啦

最後, 比爸爸捉左去fing fing, 呢個真係好睇阿仔心情. 呢日好明顯心情麻麻, video錄唔到狂喊, 實情係喊緊, 你睇對腳就知佢有幾掙扎啦

九堂既mygym話咁快去左. 仲有最後一堂咋. 不過媽媽唔會再報名lu, 因為阿仔已經開始玩厭哂. 可能要遲一輪先啦.

大力士

19 Aug 10 阿仔一向鐘意做大力士, 尤其一見daddy個公事包, 一定會學人拎. 做媽媽既, 成日都睇到心驚胆跳, 一陣扭親腰骨就大件事了.

20 Aug 10 唔知阿仔咁專心做緊乜呢?

Isaac: 咦.....又影我相.

又發燒了

14 Aug 10 Isaac: 工人, 你打比媽媽啦, 話比佢知我又發燒呀

15 Aug 10 阿仔而家超唔鐘意媽媽影佢相, 呢張係佢見到阿媽拎相機即發脾氣嘈, 阿媽夾硬求其影的側面一張

16 Aug 10 Isaac: 工人, 我好攰呀, 你比我繼續瞓啦, 我仲發緊燒架.

17 Aug 10 阿仔又無胃口, 唯有出動阿仔新喜好, 提子包

Isaac: 咦, 你做乜影我相呀

18 Aug 10 呢日精神好好多了, 無再發燒.

Isaac: 我唔淮你影我相呀

Isaac: 咦, 點解有一邊睇唔到野既

唔知點解 Isaac好鐘意玩遮, 無論長遮定縮骨遮, 成日係媽媽個手袋偷把縮骨遮出黎玩.

呢張係媽媽岩岩返到屋企, 阿仔同工人扭計要落床既百厭樣, 你睇連隻腳都爬埋出黎.

16個月了

9 Aug 10 晨早流流, Isaac拎左媽咪兩本書黎玩, 成個抹地咁樣, 仲要好認真咁抹埋凳底.

10 Aug 10 越大既Isaac越古惑, 一唔鐘意就扮喊. 除左要瞓覺同睇電視, 其餘時間佢係十分抗拒比人掟上網床, 一落網床就反抗, 反抗唔成就扮喊.

11 Aug 10 呢日阿仔16個月大了. 你睇以前成日比人話無表情, 大左既Isaac食個提子包都要整古做怪.

呢日亦都係爸爸生日, 爸爸話有左細B, 我地要慳錢, 所以求其去樓下間餐廳食便飯算喎. 既然係咁, 媽媽放工去買個旦糕諗住比驚喜爸爸. 殊不知一開大門, 爸爸已經識穿左媽媽買左旦糕了.

一家四口......仲有一口呢埋左係媽媽個肚到. 但其餘三口個視線都唔一樣既 @_@

12 Aug 10 大個仔既Isaac鐘意捐傢俬隙. 尤其係捐凳底最開心.

Isaac: 嘻嘻, 咁真係好開心吖嘛

Isaac: 16個月既我, 都好正經架, 擺pose比你影相個時.

13 Aug 10 Isaac: 我用力搣.....點解d大人要我用刀切既....切黎做乜, 擺明假野唔食得, 又要我學刀切.

Isaac: 等我攤抖下先.....

唔知點解阿仔好興把紙盒呀, 膠盒呀平放, 然後坐上去. 阿媽真係好怕有一日, 坐穿左篤到咕咕就弊家火囉.

難得爸爸陪去沙灘

8 Aug 10 嘩, 呢日晨早個天已經想落雨, 陰雲一大片. 不過無損陳氏一家去沙灘既意欲, 當然啦, 難得爸爸主動話陪媽媽同 Isaac 去沙灘, 媽媽病住都要照去啦.

你睇, 難得爸爸咁落力陪 Isaac仔, 媽媽梗係要偷影兩父子個背影先得.

去左幾次沙灘既阿仔, 對沙一點都唔抗拒但要佢一個人行呢, 都仲係好勉強咁.

但係落到海, 就超級開心囉. 媽媽陪 Isaac 睇返條片, 問返Isaac 開唔開心, Isaac都點頭表示個日玩得好開心呀

除左識點頭, 阿仔仲識舉起手指表達one more time.

玩完水水, 又玩沙沙

今次阿仔開始古惑, 爸爸呢頭倒完一桶水, Isaac 就會一手倒哂落沙到.

臨走, 阿仔仲唔捨得走, 赤哂腳踩幾級樓梯係上面行人路到磨.

Isaac: 呢件新衫媽媽買架, 著得我精唔精靈呀?

自從爸爸放假同埋呢次去沙灘陪阿仔後, 媽媽發覺阿仔開始痴老豆了. 就算有媽媽係到, 阿仔都會比爸爸拖手同埋肯比爸爸陪瞓覺. 所以, 付出係有回報架, 爸爸還需努力早起陪阿仔啦, 呵呵.

原來得六週咋

昨天病假, 適逢又約左產科醫生產檢. 出乎意料之外, 原來細 b 唔係原來傳統計法既八周, 而係得六周咋

 

仲好細粒

 

咁就陰公囉, 因為阿媽個肚鬆哂漲哂出黎, 我仲以為兩三個月所以咁突啦, 原來至得個零月.

 

仲有陰公既就係, 得六週, 即係仲有六週阿媽至可以鬆一口氣唔會嘔........還需努力每次進食前要祈禱.

 

咁細b同isaac一樣, 計返日子, 係岩岩有孕一個月就開始胃氣漲唔肚餓, 所以好早就已經懷疑係bingo左.

 

有個地方好, 就係同 Isaac 既生日月份一樣, 到時兩個一齊搞生日會, 會更加熱鬧喔

 

6wk 2d     0.57cm

7th lesson @ mygym

7 Aug 10 媽媽打敗仗, 今堂係第七堂playgroup, 全程由爸爸帶住Isaac玩.

未玩前, 回復大勇既Isaac拎實隻spoon準備向爸爸既飯進攻.

一如以往, 阿仔情有獨鐘個sir滑梯, 不過唔係sir, 係鐘意向高爬, 挑戰難度.

不過, 呢條滑梯真係好跣架, 爸爸同阿仔玩, 玩到阿仔笑死. 雖然影得好矇, 但媽媽都照post因為阿仔擘哂口笑.

high到叫架真係.

跟住同阿sir玩呢個fing fing, 玩到阿仔定哂形

Isaac: 嘩, 小心d喎你...

除左呢個, 仲有踩單槓板.

同埋引體倒轉, 原來轉完阿仔好驚架喎個樣. 不過都無喊,

只係坐個sir盤時, sir第一次一sir落黎就喊. 第二次直情未出發先喊定. 但無理由架喎, sir滑涕阿仔好鐘意架, 唔通係唔鐘意有人夾住佢?