開始食返野了

1 Aug 10 Isaac病情開始好轉, 呢日開始有食欲. 不過依然係食得好少. 好似呢個搣開一半既包, 咬左兩啖就話飽飽了. 真係無計

Isaac: 呀, 呢個包有提子既

食完包包自己玩, 拎住隻rody係咁推, 而家隻rody唔係比佢騎, 係比佢推跌落地啦, 比佢拉扯啦, rody真慘.

到爸爸起身, 爸爸話同 Isaac 睇相相, 不過 Isaac唔聽話比爸爸話左兩句, 就發脾氣掘住爸爸攤係地下抗議.

Isaac: 你見唔到我掘住你既咩爸爸

Isaac: 搞錯呀, 仲未有人黎氹返我架

Isaac除左掘住人攤係地發脾氣外, 而家仲學識埋泵腳, 狂泵腳. 下次真係要錄低佢 d 惡行至得.

2 Aug 10 Isaac: 唔....唔好啦, 我扮個可愛表情你睇, 你唔好話比人知我成日發脾氣啦

3 Aug 10 終於肯食包包了, 真開心, 呢日食到成塊. 雖然午餐同晚餐都依然係未回復以前個食量, 但都叫有進步.

Isaac: 我好飽呀

Isaac: 我呢個pose似唔似大俠呀?

為左增加Isaac胃口, 媽媽特登叫工人買粟米整蓉黎撈通粉, 甜甜地希望 Isaac食多 d

Isaac: 好味呀

雖然Isaac 仲係15個月, 但早自13-14個月, Isaac 已經曉得用兩隻手指捉住支筆畫野. 不過我地仲未去到成日比筆佢畫野既地步, 媽媽開始諗緊, 係咪要多 d 比筆佢畫呢, 反正 Isaac 小肌肉發展得咁快. 無謂埋沒佢畫畫既天份嘛.