16個月了

9 Aug 10 晨早流流, Isaac拎左媽咪兩本書黎玩, 成個抹地咁樣, 仲要好認真咁抹埋凳底.

10 Aug 10 越大既Isaac越古惑, 一唔鐘意就扮喊. 除左要瞓覺同睇電視, 其餘時間佢係十分抗拒比人掟上網床, 一落網床就反抗, 反抗唔成就扮喊.

11 Aug 10 呢日阿仔16個月大了. 你睇以前成日比人話無表情, 大左既Isaac食個提子包都要整古做怪.

呢日亦都係爸爸生日, 爸爸話有左細B, 我地要慳錢, 所以求其去樓下間餐廳食便飯算喎. 既然係咁, 媽媽放工去買個旦糕諗住比驚喜爸爸. 殊不知一開大門, 爸爸已經識穿左媽媽買左旦糕了.

一家四口......仲有一口呢埋左係媽媽個肚到. 但其餘三口個視線都唔一樣既 @_@

12 Aug 10 大個仔既Isaac鐘意捐傢俬隙. 尤其係捐凳底最開心.

Isaac: 嘻嘻, 咁真係好開心吖嘛

Isaac: 16個月既我, 都好正經架, 擺pose比你影相個時.

13 Aug 10 Isaac: 我用力搣.....點解d大人要我用刀切既....切黎做乜, 擺明假野唔食得, 又要我學刀切.

Isaac: 等我攤抖下先.....

唔知點解阿仔好興把紙盒呀, 膠盒呀平放, 然後坐上去. 阿媽真係好怕有一日, 坐穿左篤到咕咕就弊家火囉.