New York Cafe & Bar @ Yuen Long

陀住Isaac為左方便大肚出入, Pokka cafe一度成為我地既飯堂, 周日同過時過節都去pokka, pokka 既waiter可謂睇住Isaac大.

到Isaac識行識走, 我地都無乜點再去pokka了, 反而去左遠少少既元朗new york cafe & bar 當係過時過節既食飯地點

每次必點既海鮮周打湯, 你睇幾足料, 仲要好新鮮既帶子...........

價錢平到你唔信, 48大洋咋....好抵. 所以每次我都係為左呢個湯而黎, 呵呵.

除左必叫既海鮮周打, 佢既主菜都有水準架.

只係前菜爭dd咁......唔記得乜野炸蝦

焗薯皮我覺得爭d, 以前shooter 52個海鮮焗薯片依然係我至愛, 可惜全線執哂笠

呢個唔知乜野薄餅就真係爭 d d 了.

前盤講完, 去到主菜, 其實好多都好有水準

好似呢個大蝦意大利飯咁

唔記得係乜野意粉

呢個就搞笑, 其實係雞酥皮盒.............原來係似酥皮湯咁囉. 裡面係好creamy既雞肉.

呢個係爸爸叫既大蝦牛扒.

沙樂美腸意大利飯, 略嫌咸左 d 囉

要推介就係呢個肉眼扒啦, 一磅多謝398 大元, 侍應話夠兩人份量喎, 但好明顯唔夠我同爸爸食啦. 好厚好有牛肉味架. 下次都會再order.

呢間的甜品就麻麻地.....可能媽媽無乜興趣食cheese cake掛

所以第一次幫襯後, 之前再去new york cafe都無再叫甜品了.

可惜new york cafe係超寸.....寸在你唔可以好似pokka咁即興打去book 位....要提早至少兩周book位至有位比到你. 仲要係confirm個日你接唔到電話當你唔黎.....幾寸.

不過佢寸得起, 因為屯門元朗有水準既西餐, 除左佢, 我揾唔到囉.