西環德記潮州

話說有次要同家中大少去西環個西寶城playtown玩, 去到西環反正大少仲同周公密計中. 所以就係西寶城附近醫肚先.

見到餐牌, 好多野都想叫呀....不過爸爸話費事諗, 索性叫個set lunch.

set lunch 有呢兩碟細到離奇一個人都唔飽既海蜇同卥水拼盤. 媽媽見個個食客都一杯咸檸七, 又學人叫一杯黎試.

雖然細碟, 但鵝脾真係唔肥架喎.

跟住有一個小小小小窩既蟹粥. 媽媽覺得好麻麻, 寧願食蠔粥可能好味 d.

仲有一個一點都唔油膩既墨魚卷, 其實一點都食唔出墨魚個種膠....唔通佢係打成粉咁炸?

成個set lunch最似二人份量就係呢碟菜了, 哈哈哈......

未去playtown前, 先付178大洋....lunch 黎既姐.

雖然份量真在太小, 不過勝在無乜味精. 所以爸爸話得閒會帶爺爺黎食潮州菜喎.....不過真係幾遠囉.