5個月了...都係食返人奶

1 Sep 11 五個月了, 時間過得真快. 妹妹話咁快就變得大隻左. 本來諗住搏慒帶妹妹去健康院磅重, 但接線生話要約期喎, 咁煩, 算把啦.

一副惡樣既妹妹, 慣住食手手.


惡完又扮未瞓醒咁, 要引下人喎.

五個月既妹妹, 有幾細粒? 睇下呢件跌膊衫咪一清二楚, 件衫寫係FOR 3-6 個月既.

睇唔清, 仲有呢件露哂肉既衫, 簡直係著錯大碼衫一樣. 唉.....

呢晚凌晨餐奶, 都係食返人奶. 因為媽媽懶得去沖....

同場加映轉身片一則, 其實當佢轉身啦, 雖然轉左一半至錄, 無計, 因為拎親相機, 妹妹都定鏡唔郁既.

2 Sep 11 一再証明, 食人奶未必瞓得唔好, 呢朝又係七點幾醒. 同奶粉差唔多時間起身.

Claire: 媽媽奶好味, 食到我流哂口水架.....


3 Sep 11 做乜呢張相既錯覺, 阿妹塊面圓潤咁多既, 哈哈哈.

4 Sep 11 呢朝陰公豬囉, 朝朝妹妹都早起過媽媽, 自己玩一輪等食奶. 通常見到媽媽出現, 就會好嗲咁幾聲示意要食奶. 但呢朝餓過頭啦, 一見到媽媽就大喊. 喊到豬頭咁. 愚蠢媽媽到家下, 其實仲未識分邊種喊聲係眼瞓邊種喊聲係肚餓. 不過肯定呢, 肚餓喊係會喊到流哂眼淚既.
Claire: 哇哇....你仲講, 我好肚餓呀

嘩, 好大滴既口水奶呀~~~~妹妹由朝到晚都趴低, 成日搞到成床都濕哂.

Claire: 咁我趴低影相, 好似精靈d咁吖嘛.

5 Sep 11 Claire: 你睇, 我幾咁精靈.

嘩, 呢張相咁當年 Isaac 笑樣既, 妹妹一見媽媽就笑到咁, 真係開心.