笑

10 Sep 11 呢輪妹妹由朝到晚都鐘意趴係度， 真係唔手軟既咩？

Claire: 我手唔軟架， 你睇我手瓜起展就知啦。好有力架


Claire: 我唔係講笑架， 雖然我笑住黎講

Claire: 同埋趴係度睇野係唔同瞓係度睇嘛

11 Sep 11 呢日又著返媽咪大肚時買既NB SIZE 包衣， 仲襯返一套口水肩TIM， 點知著到咁， 居然有人問媽咪， 呢個係男仔定女仔～～～咁大個粉紅色係心口都睇唔到咩？？？？
Claire: 無計啦， 阿囡我無頭髮吖嘛。 

12 Sep 11 嘩， 又一幅圓臉相， 真係影相可以呃得下人。如果阿囡你真係咁圓咁肥就好囉。

13 Sep 11 呢日笑相欠奉， 不過有張咬牙膠相。 

同埋笑片一輯

加返個口水婆自己講野既片一輯

14 Sep 11 Claire: 媽咪， 我對手撐得高唔高呀？

Claire: 嘻嘻， 終於日子有功， 可以趴好耐啦。不過媽咪成日要睇我有無嘔返奶出黎。

呢晚十點幾， 阿囡仲唔肯瞓。媽咪忟起上黎， 索性用紗巾遮眼。。。咦， 好似無郁喎， 拎起睇下～～～唓， 一對眼仔望住阿媽， 真係激死媽咪。最後又係要出動到抱抱功， 至可以安然入睡。唉， 要抱到幾時呢？