馬場同樂日

呢日係馬會開放比小朋友入去玩攤位遊戲既同樂日， 媽媽諗住同仔仔入去玩下見識下啦， 一心諗住去騎下馬仲以為可以餵下馬仔食草草， 點知乜都無， 要六歲至可以騎馬， 又無得餵馬仔食草草， 真係老年咁遠入去， 玩D 一點都唔特別既普通攤位遊戲。真係下次咪搞。

一入馬場就影返張門口相先。

又熱又淋， 真係好辛苦。不過仔仔一見到最鐘意既吹波波， 真係乜熱都忘記哂， 仲忘哂形咁追住黎拍TIM

仲拎住個棒黎吹。 Isaac: 爸爸， 你睇， 我吹波波比你玩吖

除左吹波， 仲鐘意拍波。


 全場笑得最燦爛， 就係玩呢個其實自己都成日落公園玩既吹波波。。。。咁做乜要老年咁遠去馬場玩呢？ 真係謎一個。

 後黎即時爬都黎埋， 爸爸忽然父愛大發， 一齊影合照。可惜三個人三個不同方向既眼神囉， 想點呢爸爸？

 成個同樂日， 媽媽最鐘意係室內既攤位， 因為有冷氣嘆， 呵呵。舒舒服服影下相咪幾好。媽媽： 我地渣車車要小心行人過馬路呀， 知唔知呀？    ISAAC: 係囉， 但點解即時爬企正係架車前邊既？

 ISAAC： 我其實好眼瞓囉～～～～究竟幾時返屋企瞓覺架？

最後一個節目， 就係爸爸媽媽企係呢個焗到會暈既平台排隊， 就係玩呢個好無聊既拉馬車遊戲。點知仔仔坐左唔夠一分鐘， 要自已落場拉車車喎
ISAAC： 咁仲好玩啦， 唔係咩？