真性情

返左學既仔仔， 好多時舉止都叫媽媽驚訝。估唔到媽媽生到仔仔咁生性～～～同埋大胆

話說呢日放學要坐羊羊車仔。話說之前有個細路囡坐住唔肯走， 仔仔就好聲好氣氹妹妹， 你比我坐啦， 比我玩啦～～～最搞笑係有一句係同妹妹講： 你唔好發脾氣啦， 你落黎啦。
事綠個細路囡嬲霸霸但又唔係玩但又唔肯走， 後黎仲想打阿仔。卒之佢媽咪出現， 原來係一個新移民講國語的， 唔怪得個細路囡一路都唔比反應我地，可能聽唔明我地講乜
 Isaac: 個妹妹走左啦， 妹妹曳曳唔比我玩。

話說又有一次同仔仔落公園玩， 咁岩見到幾個小朋友爬上滑梯個度坐， 好危險。仔仔就好大聲咁大叫， 你地唔好爬呀， 好危險呀～～～～嘩， 阿媽聽到都未話唔驚架， 一陣比人打點算。不過媽媽又覺得仔仔你真係好大胆。小朋友果然乜都有胆識呀。不過叫左幾次到媽媽想錄低時， 已經少左好多說話了～～～

落公園， 仔仔最新玩意係自已推個氹氹轉， 仲好搞笑咁話自己好得意， 真係頂佢唔順。不過媽媽見到咁， 真係覺得好可愛。