Claire: 乜姐.....細路仔係鐘意玩架嘛
18 Jan 12 仲有鐘意摷阿爸個keyboard 同mouse出黎玩.
Claire: 我正經做緊野架....
19 Jan 12 呢日團年, 有第一次真正接觸妹妹既姑婆同姨媽駕到食飯, 大家對新相識既妹妹評價係一致----好惡呀.......好惡, 好惡. 又巴渣又惡. 要教呀, 唔可以縱...........唉, 鬼唔知阿媽係女人咩.....我地一家都怕鬼左呢個妹妹, 把聲又大又響. 話唔食飯咪唔好比佢食, 由佢餓喎.....可惜佢地真係第一日識妹妹咋. 阿妹出名係唔曉肚餓既, 唔食野唔瞓覺都可以扮喊夠氣喊足幾個鐘. 加上身型已經忽然跌穿左零既生長線. 再唔塞佢食多d, 真係驚佢發育不健全都似. 所以係食飯呢一個環節, 媽咪都無理會姑婆同姨媽既長命音波功, 繼續由得妹妹邊玩邊食.....因為爸爸媽媽同前任工人加婆婆, 老早已經發現初生既妹妹係拒絕進食......除非有野引開佢注意力又或者係餐廳有野望下, 忘記左自己係開緊餐, 咁或者會同你食正常人既1/3 份份量既....
Claire: 我攞正牌邊玩邊食....我想搣你塊面 
Claire: 順便拉下筋先
Claire: 你仲唔筆飯? 打你架....
Claire: 我打
Claire: 媽咪, 阿哥掛住玩唔食飯. 媽咪: 唔食飯個位好似係你....
20 Jan 12 呢日第一次比面包妹妹食, 點知幫我搣到成地都係. 好似搣廁紙咁, 激死.
無工人既日子, 媽咪忙到兩餐都無正常食過. 通常係忙哂兩個仔女既正餐, 又要忙去做家務. 就係媽咪掛緊衫時, 哥哥同妹妹影左張相, 難得影左成十個月, 至有呢張係又清又見到妹妹既, 媽咪梗係要post出黎啦.
忙完哂一輪清潔, 想慳下錢唔食外賣, 執左兩塊仔女早餐食剩既面包食, 點知餵食妹妹即企係身, 要爭食. 好心你啦, 阿媽好肚餓架.....
Claire: 快 d 比多舊我呀
卒之媽咪都係要煮個面至飽肚. 然後單拖同仔女去玩具圖書館比佢兩個出下街開心下.
妹妹去玩具圖書館個門口去得多, 因為媽咪通常唔係湊放學前去借還玩具, 就係會趁哥哥瞓左晏覺至推妹妹出去借還玩具.但妹妹未試過入黎玩架. 入到黎, 妹妹要坐左一陣至熱到身, 自己摸玩具玩, 仲越玩越大聲叫. 好在無其它人咋, 得我地三個, 所以唔怕.
Claire: 阿哥, 你做緊乜呀? 哥哥: 你唔好又搶我玩具啦.
妹妹大小肌肉仲未發育得好. 所以仲未識放手呢回事. 連呢佪動作, 都係媽咪幫架咋.
地下玩具熱哂身, 跟住比妹妹發現左另一邊仲有野玩tim.
Claire: 咦....個邊好似幾好玩喎
卒之又摸又叫, 等媽咪遲d 度下點餵粥, 可以的話, 湊放學前黎呢度比妹妹玩下先.
