比哥哥整古

9 Jan 12 通常做細既, 都會比大既蝦. 妹妹都唔例外, 雖然哥哥成日話要保護妹妹. 不過呢輪, 哥哥好興困妹妹入死角, 話係唔比佢爬出去喎. 不過咁, 哥哥咁做, 媽媽反而放心係廚房做家務, 唔駛怕妹妹唔知爬左去邊玩電制.
Claire: 我出唔到去tim.

睇下, 哥哥拎哂玩具出黎, 封住阿妹既去路.

10 Jan 12 Claire: 嘻嘻....哥哥返左學, 無人困住我    媽媽: 我一早封左塊膠紙唔比你玩呢排電制啦.

11 Jan 12 新工人到左幾日, 呢日卒之比媽咪炒左. 好在對兩兄妹無影響. 妹妹依舊係依戀媽媽一齊玩.

12 Jan 12 Claire: 我同媽咪一樣咁硬淨架嘛, 工人走左我琴照彈, 奶照飲. 駛乜驚. 係驚媽咪唔比我痴住姐.