我係咪大人呀

呢輪, Isaac最鐘意問媽咪: 媽咪, 我係咪大人呀
媽咪見Isaac 好期待既眼神, 通常都會答, 係呀, 你係大人呀.
跟住仔仔就會好大聲講: 爸爸話我唔係大人呀
媽咪就會答:哦，你自己食飯唔跌落地, 咪好似大人咁囉...你係小大人.
然後, 仔仔就會好開心, 因為佢係一個小......大人.

摷返聖誔相post 返先. 自小就鐘意跟姐姐玩既仔仔. 呢日去會所既自助餐, 見到表演姐姐, 即刻話, 我鐘意呢個姐姐呀. 原來異性相吸, 係出世已經曉.

姐姐表演完, 到叔叔. 仔仔好抗拒, 不過硬比爸爸捉去同叔叔影相. 真無奈.

仲有手機隨影既, 見到屋企附近有公仔佈景, 都話要影相.

Isaac: 個聖誔波襯唔襯我件衫呀?

話咁快, Isaac 兩歲九個月了. 呢半年, 仔仔變化特別大. 相信好快, 又會變成一個駁咀駁舌既頂心杉(其實而家已經成日駁咀-_-)