十個月大, 妹妹已經食過既有香蕉, 蘋果, 啤梨, 木瓜, 旦黃, 南瓜, 薯仔, 荷蘭豆, 蕃薯, 菜心芥蘭豆苗, 牛肉, 豬肉, 魚. 芝士同埋面包. 妹妹最鐘意食大人野, 對自己既粥無興趣. 食兩啖就發忟, 跟手但又可以同你食半塊面包同埋香蕉, 當然媽媽仲係堅持唔比妹妹食有味精既大人飯啦. 過去呢個月, 聽姑娘講, 餵多一餐粥. 不過妹妹都係唔肯食. 卒之媽咪落哂全副心機, 每餐都餵兩次, 每次隔半個鐘至一個鐘. 即三奶兩粥, 變左可能係六奶三粥或者係六奶四粥再夾生果面包. 希望可以追返落後左既磅數啦.
27 Jan 12 十個月大既妹妹, 呢輪成日食地墊, 仲開心過食粥仔. 
28 Jan 12 十個月大既妹妹, 依然好鐘意同哥哥玩, 一見到哥哥會撩哥哥玩, 仲開心過見到媽媽. 你睇, 晨早起身, 哥哥係度讀書, 妹妹都要望到實.
28 Jan 12 十個月大既妹妹, 依然好鐘意同哥哥玩, 一見到哥哥會撩哥哥玩, 仲開心過見到媽媽. 你睇, 晨早起身, 哥哥係度讀書, 妹妹都要望到實.
Claire: 媽咪, 哥哥唔陪我玩呀
Claire: 快 d 讀完啦, 我想玩煮飯仔呀 哥哥: 我想讀abc比媽咪聽喎
沒有留言:
張貼留言