九個月了

1 Jan 12 新年新一日, 希望囡囡快高長大, 半夜唔好再醒要媽媽抱.

呢日, 本來約好姨姨一齊去濕地玩, 點知臨出門口, 哥哥睡魔急CALL, 唔肯出街, 話要瞓覺. 搞到妹妹都要留係屋企. 

Claire: 係囉, 好悶呀, 好在夜晚同公公婆婆一齊食飯, 可以出街街咋.
 

2 Jan 12 呢日去食buffet. 媽媽同爸爸講, 卒之滿足到爸爸願望啦. 因為媽媽仲陀住Isaac時, 爸爸話要每年同仔女食一次buffet......家下行動証明, 一年唔會得一次咁少囉.
Claire: 但我未食得喎....不如年尾再食多次

3 Jan 12 呢日要去健康院, 鬼死咁多人. 又遇著媽媽作病. 無心機同妹妹玩. 妹妹坐到好呆, 忽然一見相機, 變得咁好笑.

Claire: 仲唔有野比我玩?

Claire: 咦....個邊有個哥哥仔望住我喎

Claire: 等我笑甜 d 引下佢先

卒之健康院check左, 妹妹係超細碼, 已經跌穿哂所有生長線. 唉~~~~得6.77kg, 想點呀.

護士話要加多一餐試下追唔追到重量. 同埋唔好再比佢病. 都幾難下, 我地一家人無停過咁睇醫生, 其實都幾難為了初生妹妹.

一如以往, 政府野都係過到骨就算.姑娘話妹妹好精靈, 又活躍, 所以唔需要密 d 覆診喎. 無計, 唔知點解阿妹今次係咁爬上姑娘張枱到, 乜都要撥一餐. 姑娘想唔話佢活躍都唔得啦.

4 Jan 12  一朝早又爬床底, 鬼咋咁嘈要人幫佢抱返出黎.

新玩意係去玩書閣, 成日唔見左妹妹, 原來呢埋左係梳發後邊玩書. 莫非妹妹鐘意睇書?