邁向16個月了

30 July 12 邁向十六個月的妹妹, 呢兩日講野進步神速, 呢日就不停口咁叫媽媽. 可惜媽媽返左工, 無得聽到心都甜埋.
 放工返黎, 忽然聽到妹妹講BALL BALL TIM.

31 July 12  Claire: 好痕呀...

Claire: 嘩, 我呢個角度, 似唔似爸爸呀?

呢日沖涼, 忽然聽到妹妹指住泡泡猛講BUBBLE. 媽媽相信你好快識得表達講野了.

第一次真正食BUFFET

 

26 July 12 呢幅相影到阿妹寧舍瘦削. Claire: 我好瘦咩? 

27 July 12 曾幾何時, 有人覺得阿妹好似MIX咁, 阿媽當時都有咁既感覺架. 但隨著妹妹長大, 呢個MIX既感覺就無左. 不過睇返呢張相, 又好似夾硬有點MIX 了.  

 Claire: 哈哈, 仲唔呃到你地, 其實我係百分百中國血統黎架.

 Claire: BB, 你帶返頂紅色帽帽襯返我啦.

28 July 12 天時暑熱, 最好留係屋企唔出街. 兩兄妹都有節目架. 就係齊齊做童工.  

一齊踎低咁齊心既?

Claire: 床下底有垃圾吖嘛, 我地咪幫手清潔囉.

Claire: 媽咪, 做家務做到我衣衫不整呀~~~我好唔開心. 無哂形象了.

29 July 12 Claire: 呢個POSE夠唔夠妖呀?

妹妹去左好幾次BUFFET但真正上枱一齊食, 呢日係第一次. 阿妹係全枱最擦得既一個, 由頭帶到尾. 雖然都只係食生果面包同部分甜品, 但生果好多水份, 易飽架嘛, 但阿妹一於少理. 阿妹, 但點解你咁食法, 依然咁細粒既呢? 不過媽媽睇見你食得咁多, 媽媽好怕你會變肥婆囉. 做阿媽真矛盾.

繼續跳

23 July 12 呢日開始, 媽媽ORDER 左工人姐姐, 唔淮再餵妹妹食飯. 因為媽媽發覺妹妹有能力自己餵自己食哂一碗飯, 不過工人姐姐都係要餵. 所以, 由呢日起, NO NO NO.
 Claire:我可以自己餵自己食哂咩???

24 July 12 舞神有上身. 準備跳舞

Claire: 先黎一個挺胸收腹既熱身先

Claire: 扮熊仔.

25 July 12 Claire: 我除左跳舞叻, 我彈琴都好叻架.

嘩, 又跳又跳

兩兄妹一齊跳. 做乜阿妹個動作咁似紮馬既

Claire: 哈哈, 好開心呀, 跳完之後

睇兩兄妹, 咁都玩到笑哂口, 真好.

呢晚媽媽同妹妹沖涼, 至醒起好似無乜出浴照, 好啦, 補一張泡泡浴照啦. 妹妹好鐘意玩水架. 不過仲係一舊飯, 唔知泡泡係乜咁. 睇佢呢個表情都知, 好迷茫啦.

偷食 look

20 July 12 哥哥暑假媽媽仲未過試用期. 無得陪兩兄妹出去玩, 呢日趁哥哥唔駛學野, 叫左鐘點同工人姐姐一齊帶兩兄妹出去濕地放電.
未出發, 先影張相比媽咪睇下先

去到濕地, 例牌重頭劇亦都可能係唯一一個活動, 就係室內遊樂場. 哥哥今次卒之夠高一個人爬上去大樹玩. 妹妹就留係下邊幼兒區

不過妹妹都SIR到忘哂形架. 媽媽睇返相, 妹妹應該係開心到傻左, 跣滑梯跣到張張相全部都矇哂,  只係見到妹妹笑到擘哂口. 呢張係唯一一張清既相.



女仔打扮出街後, 返到屋企, 見媽媽食杮子, 又要奉旨搶食, 仲要擺副男仔粗豪LOOK, 阿妹, 你係得既

 Claire: 我咁遮住少少臉, 咪唔覺影到我個咀裡邊仲有杮子未吞囉.

21 July 12 退哂步屙POO POO變得無聲無息, 而家媽媽規定工人姐姐要定時定候教妹妹坐痰罐. 不過只係VV得, POO POO 仲係好堅持無聲息地賴出黎, 
Claire: 遮住先啦, 影到我無著褲架.  

呢張坐定定做乜? 咪就係梅緊提子囉, 哇哈哈, 哥哥食生果, 妹妹好不客氣咁走埋去伸手拎黎食, 食完又拎. 唯一一個主動坐低正經影相的MOMENT.  Claire: 媽媽咪篤穿我食野至得架, 呢個 look 呃得下人架嘛

又跳

18 July 12 自從媽媽發覺阿妹好女仔, 鐘意玩公仔後, 媽媽就買左個公仔比妹妹了. Claire: BB, 等我睇下你有無肚臍先





Claire: 呢個三七分臉, 夠唔夠殺食呀?

Claire: BB 喊呀, 等我抱下佢先啦.

19 July 12 妹妹一向都愛聞歌起舞, 不過呢期更厲害, 手腳都跳埋. 睇下, 有相為証.

兩兄妹一齊跳, 阿妹笑到四萬咁口.

嘩, 又黎喇. fing 手

又起腳.  我地平時都唔睇電視, 無可能係電視學跳舞架, 莫非睇哥哥跳黎跳去, 學阿哥?

Claire: 跳完舞好攰呀, 我要拎袋走人喇.

 

跳舞咩 2

續上集再落, 其實係唔識兩條片入埋同一篇BLOG, 真OUTDATE呀我.
阿妹仲要好疏乎咁坐我地個枕頭, 都唔知好嬲定好笑.

16 July 12 Claire: 我好似多左頭髮呀～～

17 July 12 Claire: 喂， 媽咪呀， 我好掛住你呀

Claire: 你又想聽咩？ 比你聽喇

跳舞咩？

15 July 12 呢日我地陪哥哥出去玩消防員。不過妹妹臨近尾場， 已經敵不過睡魔急CALL。無得同全副消防裝備既哥哥合照TIM
 好在換左半套制服時， 同哥哥影左一張合照姐。

之後， 等哥哥放學期間， 行左一陣街街。睇妹妹幾咁興𡚒。
下集續, 唔係好識用UPDATE左的YAHOO, 點UPLOAD兩條片架, 識用的BLOGGER請指教.

烈火童心

15 July 12 呢日， 我地又去參加星島搞既烈火童心活動。呢次係做消防員呀。有左之前學警童心既經驗， 呢次媽媽事前提點爸爸一定要企係放學處聽班號。影低仔仔畢業相， 好在卒之影到咋， 哈哈哈。

我地一早就去到了。個時前一班同學仔岩岩畢業， Isaac 見到， 好心急， 係咁問點解仲未玩得。未開始， 已經HIGH到爆， 不停跳跳跳。 未夠鐘， 所以無得換制服住， 先黎個CAUSAL 照先啦。

Isaac: 喂， 開門呀， 我未上車呀～～   好唔容易至坐到夠鐘， 原來只係換件白色淨 T 加吊帶褲咋。好在媽媽特登叫婆婆買件白色T 姐， 否則著件有公仔， 幾咁怪呢。

 同妹妹黎一張合照先。本來爸媽都有一張家庭照， 可惜原來工人姐姐一係手震， 一係就四個不同眼望不同方向。下次都係要CEHCK機先影其它了， 搞到無Isaac 消防員既家庭照TIM。

 搭膊頭笑笑口入課室上堂。
又搭返膊頭笑笑口咁落堂。落堂真係成套制服咁行出黎喎。因為工作人員建議開閃光燈影，消防衣上的反光帶會好睇D， 所以爸爸就一直開閃光燈了。好睇唔好睇， 見仁見智。


終於今次可以影畢業照了。無帶帽果然易認好多。

Isaac: 咁我遮住對眼， 你認唔認到我吖？


 唯一一個同學仔一齊參加， 原來有同學的魔力， 阿仔係好HIGH爆， 忘記左眼瞓時間到。同上次一個人參加學警童心爭好遠。

 Isaac: 我岩岩救完人， 好攰呀～～
Isaac: 咦， 乜影緊我架， 咁我企返係度先 
畢業禮出黎得， 妹妹都瞓左了。唯有爸媽自己同Isaac 合照算啦。

完左烈火童心， 我地又去下場， 就係荃灣。

 Isaac: 我要操FIT D， 消防員唔可以咁肥架

 Isaac: 好似無人追到上黎既

 Isaac: 原來D人係哂前邊

 臨走， 同個公仔影返張合照先。之後就開始遊車河。呢日Isaac 應該好開心了。媽媽見到佢咁開心， 雖然好攰， 但都覺得開心囉。