元朗公園一遊

14 July 12 呢日哥哥話要去草地， 所以媽媽就帶住兩兄妹， 飛的去屋企附近叫做最近的元朗公園草地見識見識。可惜太熱， 去到媽媽都溶左咁滯。

Claire: 我都好熱呀媽咪


 Claire: 我著住涼鞋， 覺得對腳板好桔呀～～～

咁岩呢日有個姐姐一齊去，話要幫兩兄妹影相相。妹妹一見個姐姐， 就係咁望住， 莫非諗緊， 呢位係乜水？？？


係姐姐帶領下， 我地去公園既另一邊草地。無咁斜但D 草無咁緣。不過當其時都有三個BB玩緊吹泡泡架。

 又要學人吹泡泡， 但對眼又係咁掘住媽媽個朋友， 點得架妹妹？？！！！

 Claire: 媽咪， 點解個姐姐成日用個大鏡頭照住我既～～～

 Claire: 我望實你， 睇你支大鏡頭幾時拎走～～～

 最後都係唔望姐姐個相機， 轉去玩下吹泡泡先

 Claire: 我吖。。。。。。    
媽媽： 乜你吹到好似想咬人咁架？！！

 工人姐姐： 我示範你睇點吹啦

 Claire: 係喎， 咁吹係好多波波喎

玩玩下， 哥哥又想同妹妹換支吹波棒。 Claire: 比你啦

 媽媽覺得好温馨的交棒儀式。

已經五點幾至打的士去， 玩左一陣已經頂唔住太熱的天氣， 加上差唔到要食晚飯， 媽媽收野要走， 有人又擘大口大喊～～不過無眼淚既。

出返元朗食出名既台灣牛肉後， 我地去睇狗狗。不過爸爸又係一支箭咁同哥哥標左去， 留返一臉無奈的妹妹係後邊
 Claire: 做乜爸爸成日唔等我既。。