8 July 12 呢日, 我地成家出發去影樓影相. 本來諗住臨時至加插多個小朋友造型, 點知去到, 話我地遲左, 加埋FULL BOOKING, 唔可以加多個小朋友影相喎. 真係難為Isaac成場悶爆. 所以媽媽好有決心再揾多間比 Isaac影架, 哥哥, 你放心啦.
唯一一張比哥哥坐落去玩既相, 睇下Isaac幾咁易笑.
好唔容易捱到家庭照個PART, 哥哥終於有機會玩喇. 未埋位我地已經玩到笑哂口. 不過攝影師好有性格, 依然只係叫我地擺佢指定POSE. 咁呢個飛既動作, 唔知係攝影師一早諗吖, 定見我地未埋位兩兄妹係咁又飛又轉, 至叫我地輪住做呢. 不過Isaac真係笑得好開心架.
仲有呢張, 平時Isaac出街都要求我地咁扯高佢黎行既. 呢個動作開正哥哥個範. 仲唔笑哂口咩. 但點解媽媽只係同妹妹影, 攝影師唔叫爸媽角色交換架~~~
難得我地買左一套四件的家庭照. 點知遮住哂, 睇唔到有乜特別, 早知唔買啦, 慳返心機.好WARM呀, 哥哥偷吻妹妹呀~~~
呢個PACKAGE好抵, 係SOHA影, 因為係團購關係, 550元包哂咁多張喎. 所以媽媽都無乜要求, 將貨就價, 無謂嘥咁多精力去彈囉, 當係親子紀念活動都好吖. 影一影, 都影左兩個鐘. 兩兄妹影完攰到一齊瞓晏覺~~~@餐廳. 真係嚇親人. 我估旁人見到呢對父母一人夾住一個瞓覺加食野, 都覺得我地好泥HEA. 不過媽媽就慣左, 可能女人就係咁, 做得阿媽就變左係女超人.
瞓哂晏覺, 我地再趕下場~~~話係帶Isaac去新會所玩, 實際係爸爸雀局. 媽媽一打二@會所. 好在時間都好快過~~~~媽媽都好攰架, 跟住兩兄妹咁爬上爬落.
Isaac: 點解度門咁細既~~
成場, Isaac最鐘意呢張跳彈床. 係咁不停跳. 跳到阿妹都企唔穩.
其實媽媽都想一齊玩, 親子下, 可惜又要顧住妹妹, 唯有係張網床到坐. 唉. 比人彈到頭都暈暈地.
中場休息, 食下生果. 放完電, Isaac大呼好玩, 下次再黎過. 咁呢個住宅既會所又真係幾好baby friendly既.
裡邊都好靚架, 媽媽一入到去, 就好想影多幾張BACKGROUND, 不過媽媽好忙呀, 一打二, 都無機會可以影下各秊不同佈景. 不過兩兄妹玩得開心就OK啦.
沒有留言:
張貼留言