捱眼瞓遊海洋公園

30 Jun 12 呢日係婆婆生日, 加上有張免費票, 所以我地一家四口就陪婆婆去遊公園. 撞岩八號風球岩岩走, 跟住呢日係間中狂風雷暴. 本來朝早爸爸話唔去, 點知差唔多到中午見有太陽, 又話去. 拿拿臨打的去到, 嘩, 真係曬死人呀~~~仲要等爸爸排除買年票, 等到汗都出埋.
Claire: 好悶呀, 等乜呀

 Claire: 喂, 好悶呀, 有無人望下我, 過黎陪我玩下呀

天時暑熱, 最好留係室內玩公仔. 阿妹一入親紀念品店, 就係第一時間要拎公仔係手, 一拎就四萬咁口.

 成個海洋公園, 最凍係呢個北極館. 門口寫住8-10度, 嘩, 好在阿妹仲有件風褸姐. 唔係實怕佢攝親. 卒之阿媽做人肉暖爐揹住妹妹入去睇企鵝. 當正袋鼠媽媽咁WARM住妹妹.

 係企鴒館到, 妹妹好專心咁睇企鵝, 雖然眼瞓, 但媽媽好肯定佢係撐住眼瞓都有留心睇既, 點解? 因為一入紀念品店, 又係一手拎住企鵝囉.

 Claire: 我想帶佢返屋企呀~~~

幾經辛苦至的到妹妹遠離企鵝公仔櫃. 點不知, 佢又走左去背包櫃, 拎起個企鵝手袋~~~~~

 最後, 我地比妹妹選其中一個, 終於妹妹都係選左隻企鵝, 要拎住佢返屋企. 女仔果然係女仔, 對公仔寧捨鐘愛.

無幾耐, 妹妹終於敵不住睡魔, 係媽媽膊頭瞓左一個鐘有多~~~算係咁啦, 成日無瞓咁滯. 好辛苦至撐到去五點幾了. 難為哂阿妹. 咁岩醒左時, 我地就係去坐吊車, 嘩, 係阿妹人生中第一次坐吊車咋. 你睇, 成程哥哥係咁引佢笑, 其實哥哥真係好錫呢個阿妹既, 只係有時就唔到力, 扯到妹妹痛姐.


 Claire: 爸爸, 你做乜影我相呀, 你睇唔到我LAN埋塊面掘住你既咩?

搭完吊車落山, 求其揾野食, 就睇激光了, 媽媽就覺得好悶了.......只係中間加插既噴火同煙花有驚喜. 龍就無特別, 同澳門一樣. 仲要有點悶TIM.

呢日好攰呀, 一家返到屋企都十點, 仲要輪住沖涼. 攰死了. 兩兄妹沖完涼就好快瞓著揾周公. 下次去海洋公園, 相信都係咁攰. 不過見到兩兄妹咁開心, 都值既