soha影相

8 July 12 呢日終於等到BOOK左幾個月既團購影相日子啦. 哇哈哈, 好在兩兄妹無病, 可以有精神去影相相~~~係以為有精神.

一如超人媽媽預期, 我地梗係又遲到啦. 遲左成半個鐘, 一入到SOHA, 阿妹唔知做乜, 驚左咁. 要攬實媽咪至得. 因為我地遲大到, 媽媽都唔好意思選咁耐影乜造型. 唯有求求其其PICK幾個算. 事後好後悔, 妹妹唔應該露兩點影毛巾LOOK~~~雖然事後磨左好耐都影唔到一張毛巾, 臨場改左係波波. 但都露哂兩點, 唉, 失策失策.

第一個LOOK就話影浴袍, 妹妹仲未回魂, 眼瞓加上唔知自己做乜. 媽媽好努力咁引佢笑, 但依然係一舊木.


 嘩, 好辛苦至唧到少少笑容咋. 做乜你今日咁COOL架阿女.

 Claire: 接波~~~

 呢個就係SOHA 出浴LOOK既全景. 嘥哂, 唧都唔笑.
 
第二個造型係波波. 睇返相至知失策左. 露哂點. 只係可以選到呢張. 咁岩又笑喎, 正. 雖然唔係正面.

第三個造型係粉紅LOOK, 嘩, 明明睇版係好女仔架嘛, 點解阿妹你著到成個泰山咁既~~~
 Claire: 邊個迫我笑姐~~~我打佢架.

 Claire: 等我返去拎多件武器先

 Claire: 邊個激親我二小姐吖~~~

 Claire: 我打~~~

媽媽睇見阿妹咁不在狀態, 同平時兩個樣咁, 到轉造型時, 實在忍唔住建議不如我地影左家庭照先啦. 反正哥哥悶悶不樂, 阿妹又咁木. 好呢個抉擇無錯, 阿妹好似即刻回魂左咁.

 Claire: 嘩, 媽媽終於陪我一齊影相相了.

Claire: 正呀~~飛呀飛呀~~~

有爸媽配合之下, 好快又影完家庭照. 輪到最後一個造型, 就係和服. 係SETTING時, 妹妹見助手係咁拎紙傘出黎時, 不停嘩嘩聲, 嘩, 嘩, 嘩~~~媽媽心想, 早知係咁, 就應該第一個造型影左和服先啦. 

 Claire: 媽咪, 快 D 過黎啦, 好好玩呀咁多把遮.

 Claire: 等我擺個今日唯一一個既女仔pose先

 Claire: 等我攪下裡邊d水先
 Claire: 終於影完哂啦, 諗起就開心到笑.