又回顧下三歲前先

又係時候摷返電話既相UP返上黎留念先。話說呢張相， 真係唔知幾時影。斷估都係冬天好凍既時候。媽媽咁岩上床睇Claire 有無冚被， 殊不知比媽媽就見証左呢刻咁可愛既傻豬。真係唔知點解咁都可以瞓到咁林呢？

呢張就係差唔多三歲時影既。越來越女仔既Claire， 見到得意公仔， 都會要求影相仲加埋擺POSE。

唔通女仔性格真係天生？？ 如果掉返轉係哥哥， 邊可以咁正經同你影返張相。

呢張又係差唔多三歲時影既。話說係爸媽結婚週年食晚飯。Claire 原本唔肯自己坐， 不過一見到呢個綠色青蛙兒童餐碗， 就主動落地要拎住自己坐返自己位。

仲有一樣漏左講， 就係三歲既Claire， 越來越難服侍。脾氣都相當大架。一有少少唔滿意， 就發哂忟。日後應該係個難服侍的二小姐來了。