曬燶 ＠ 橋咀島

12 Apr 14 呢日周六， 爸爸建議去橋咀島玩蟹。所以千里迢迢搭車又坐街渡黎呢度。時間仲早， 都算無乜人。咁岩又潮退， 所以我地可以行落石灘。往石灘方向行緊時， 見到前邊呢對父子都好温馨咁行。唔知幾多年後， 呢種情景唔會再有呢？

要去石灘， 必先經沙灘。一見沙灘， 兩兄妹都好鐘意停低慢慢玩沙。

成日都有機會玩沙， 難得第一次接觸石灘。對Isaac 同妹妹黎講， 係好新鮮既事黎。不過Isaac 對捉蟹就麻麻地。反而好落力咁揾螺同埋玩石灘中的水。因為好清， 同埋有蝦又有魚仔仲係石灘中間既水到游緊架。

爸爸即場示範點捉魚仔比Isaac 睇。不過Isaac 點會敢用手捉吖。最後當然無捉到。

玩完石灘去左海灘玩沙。開正 Isaac 個範。

睇下， DUMP低頭都仲見到 Isaac 笑哂口咁筆沙。可想言之Isaac 幾咁愛玩沙。

後尾， 仲掘左個隆， 比自己坐入去疏乎下。如果唔係太陽伯伯太曬， 呢日係幾舒服既一行。不過玩左大半日， Isaac 已經曬到燶哂。好可憐呀。