女仔性格

22 Mar 14 呢日我地一早就出門口， 因為哥哥要比賽呀。比完賽等評判計分時， 百無聊賴既Claire 走左出黎玩掟飛機。

不過佢唔係同自己哥哥玩， 而係同參賽者一齊玩。睇黎Claire 人仔細細， 已經好鐘意同男仔玩。返學放學又係， 女同學唔騷人， 但一見男同學， 就主動跑去拖人仔手仔。

之後， 我地去左太空館睇戲。呢次係媽媽同Claire 人生第一次踏足太空館欣賞戲架。不過睇到媽媽頭都暈埋。下次都係坐最後好D。睇完戲， 出到黎又見到朱銘雕刻， 好女仔性格既Claire 又影返相先。

Claire: 我無遮擔， 不過我有把劍揹住。

 之後， 我地行去美麗華接爸爸放工。咁岩商場有隻人扮既白兔， Claire 好開心咁走埋去一齊合照。你話幾咁女仔性格！

Claire: 咁人地係女仔黎架嘛。梗係鐘意影相啦！

我地順便係商場玩埋免費遊戲TIM。美麗華商場最近幾好喎， 成日可以免費比人玩。早兩年好似要消費至可以玩架嘛。

Claire: 媽咪， 比個波你一齊掟吖！

玩完一輪， 夠鐘上爸爸公司了。不過上到去， 兩兄妹又係度玩。Claire 又想學哥哥扮老師。不過開唔到支筆呢！

Claire: 無人幫我開支筆既～～～