聖誕海洋公園

22 Dec14 呢日一早講好去海洋公園，因為小朋友放假，又係過冬日。按經驗，係少好多遊客黎呢度架。一黎到，見到應哂節既小丑同聖誔威威。即刻影返張全家幅先。

海洋公園今年大賣佢係全港最大室內燈飾館。一場黎到，梗係入去影下。門口咁迷幻，同哥哥影返張相。Isaac 好耐無試過咁嬌嗲同媽媽合照了。

Isaac: 喂，阿妹，唔好走呀，我捉實左你架。快D笑～～

Claire: 嘩，呢兩隻MONKEY似唔似我地呀？我學佢舉起手先。
Isaac: 我費事啋你呀～～

五十幾磅既Isaac，真係好死重架。睇下媽媽都唔係好抱得起佢。

Isaac: 梗係啦，我好食得架～～～就黎變肥仔TIM。

次次黎OP 經過呢個菜檔都要影。真係唔明有乜好影⋯⋯估唔估到Isaac 手上個條係乜？

咪就係一條扭出黎既波劍。朝早有個小丑送既波，Isaac 真係拎足全日，服佢。

Isaac: 唔係呀，我而家玩緊咪無拎住囉。

係喎，條波去左媽媽到。阿媽變左工人阿四。

我地又續左OP PASS，真係要趁Isaac 未入小學，多D黎呢度至得呀。