聖誔PARTY WITH N 班朋友

21 Dec 14 呢年聖誕特別忙，撞岩之前個日學校旅行玩到攰哂，夜晚仲話同婆婆一齊做冬。瞓醒抖陣，呢日又去同N班朋友仔玩。睇下，Isaac 踩住人地架女仔單車，笑得幾咁開心。

Isaac: 我梗係開心啦，佢地同我一樣K3, 但仲踩四輪單車喎。

Isaac 成日都想買返部呢D車，不過媽媽成日話佢唔夠膽踩，所以一直擱置。難得呢日有車出現，仲唔趁機玩餐飽。

玩下單車，又玩下自己帶黎既飛機仔。呢個POSE，好英咁。

其實黎呢度，望到頸長，Isaac 只係想落會所玩。隔離兩位係N班同學，不過已經唔熟了。黑色衫小朋友，已經跳級去左國際小學讀小一，一早上左岸，唔駛心驚膽跳等小一大抽奬。

Isaac: 我呢個POSE，夠唔夠型呀？

玩完一輪，各小朋友又要上返平台，準備交換禮物。咁岩比呢個餵食豬見到媽媽燒緊棉花糖，即刻話要自己燒一串。當然，有無耐性慢慢燒到變金黃呢？呢個唔駛講都估到串棉花糖最後落左係媽媽手上啦。

唔知點解，聖誕PARTY會唔少得交換禮物。睇Isaac 一臉期待個樣幾咁搞笑。

Isaac：唔知抽到乜野呢？

Isaac： 快D啦，好緊張呀，幾時可以拆禮物呀？

呢班N班識既朋友仔，認真叫做識於微時，好多都已經有細佬妹了。睇見佢地，就好明顯時光飛逝既感覺。