聖誕大餐＠金壘餐廳

24 Dec 14 今年聖誕，爸爸話去元朗好僻既金壘餐廳食德國豬手做聖誕大餐喎。豬手呢家野，都係岩爸爸多D。媽媽見到咁大舊肉，就無乜胃口。為迎合聖誔氣氛，妹妹仲特登帶埋聖誕帽同頭飾去TIM。

Claire: 嘩～～～我又扮獅子開餐呀～～

Isaac: 個侍應拎住D甜品好似好好味喎～～
Claire: 係呀，我見到都流哂口水呀⋯⋯

 食飽飽，甜品叫左個招牌火焰雪山⋯⋯不過媽媽唔鐘意太勁威士忌味。始終小朋友食，唔係咁好。

Claire: 嘻嘻，一陣有甜品食⋯⋯
媽媽： 喂，阿妹，望下鏡頭依⋯⋯

 阿媽唯有再用力少少夾阿妹個頭望前笑⋯⋯結果係點？

咪就係甜品吸引D囉。

最後，一人一份聖誕禮物，多謝哂爸爸。媽媽收到超實用既美容機呀，哈哈哈，咁岩個幾日甩皮煩住爸爸。而家用得著，爸爸可以耳根清靜了。不過妹妹個份ELSA，最後係無玩到⋯⋯幾百蚊放左係櫃頂當裝飾算。所以，媽媽話，以後買玩具比妹妹，都係由媽媽出馬算。始終女性知道小女孩鐘意乜架嘛。