冬至遊OP

22 Dec 14 呢日冬至，我地又係去海洋公園。因為前兩年冬至遊OP，發覺激少內地人，行動方便好多。一去到，妹妹Claire 見到有小丑表演，即刻要排隊影合照。好在我地係LAST一個排，排遲D就無份影了。

咁岩媽媽同妹妹影緊相時，爸爸哥哥老年咁遠見到我地，即飛上台影合照。算係難得一家人的合照喔。

呢個聖誕老年咁面善，好似兩年前冬至同佢影過合照，估唔到今年聖誕冬至，又係揾佢黎揾聖誕老人。

Claire: 叔叔，我呢兩年有無重到呀？

話說今年OP搞左個所謂全港最大既室內燈飾館，撞岩我地又係呢個期間去，梗係要影下相啦。入口好似幾迷幻咁。

Claire: 媽咪，你正經D啦，係隔離想點呀～～

Claire: 好野，爸爸抱起我⋯⋯我似唔似隔離隻天使呀？

係燈飾館出黎，又見到另一個小丑姐姐，佢一見Claire，就主動扭波仔比佢（因為咁岩無細路係附近，梗係要捉返個黎吸引途人啦）

之後，我地上山頂，又咁岩見到班唱歌跳舞既演員。一向鐘意睇唱歌跳舞既Claire，話要睇埋至行⋯⋯卒之比演員捉佢出黎一齊玩。

Claire: 唉，我好無奈呀，點出返去好呢？

去咁多次OP，都未試過兩兄妹出去玩，今次抵啦。有得玩又有得睇。（片段按此）

Claire: 我好唔ENJOY呀～～

Claire: 仲笑⋯⋯有無理我感受架？

事後，我地去左一間快餐店食野，其實我地次次去OP 都係幫襯海龍皇餐廳，不過今次有小意外，花左幾百蚊。爸爸話LUNCH就要平D，不過睇Claire 個樣，就知去邊度食LUNCH，都一樣咁開心啦。

每次去OP，必經之路，必影之佈景。莫非Claire 想真係走去做小販賣菜？

好女仔既Claire，雖然玩埋男仔玩意，不過路經公仔，都必定跑埋去要合照。今次同條魚影相，仲笑到四萬咁口TIM。

大個女，去小人王國，唔駛同哥哥一齊坐甲蟲了。

Claire: Hello，你走先啦，我自己識玩架啦。

努力向上爬，媽媽盼望你日後長大，繼續努力，力求進步，好似你爬呢座假石山咁。