名古屋之旅 DAY 2 － 鳥羽花真珠住宿篇

23 Mar 15 係出發之前，其實我地本黎諗住上山，但帶住小朋友，三月底山上仲有雪，揸車又危險，所以，臨時改為落海。既然要落海，當然要住下海邊酒店啦。上網睇過，亦都係日本幾個網站格過價。都係好似呢間鳥羽花真珠價錢相宜之餘亦都有個所謂既"露天泡湯"，其實原來唔係露天。不過夜晚天寒地凍，好在聽爸爸講，唔BOOK真正露天，否則真係得個睇字。

一入到花真珠，嘩，間房好四正，好靚呀。

係個廳望到成個浴室。呢個石浴池只係一人份量架咋，哈哈哈。

很窩心，迎賓茶點放係房，四粒饅頭仲係個煲到熱住架。兩兄妹好快手咁KO哂蝦餅同饅頭。

當媽媽好認真咁研究緊房間既MENU時，兩兄妹已經開心到玩到去玄關。

小朋友專用拖鞋。係用黎去浸温泉用的。兩兄妹見到，不知幾咁興奮。

不過，論興奮，都唔及房間發現呢箱玩具。唔駛一秒鐘，已經摷哂出黎叮叮噹噹。暈～

房間服務員立時送上新鮮即磨的綠茶。好味道～～～苦苦地，岩媽媽口味。

Isaac: 影完未呀？
Claire: 咦～～我笑得靚唔靚呀？

邊個衰妹咁滋味？慢慢答真D蝦餅係乜味。

比人偷影都唔知，食得鬼咁專心。食飯又唔見呢個衰妹咁開胃。

一家齊齊著和服，好奇怪，各自擺POSE，但一望就知男女POSE大不同。哈哈哈。我地影完合照，就分開去浸温泉了。呢次係兩兄妹第一次浸温泉咋。Claire一入到去大湯温泉，死人都唔肯落。好在見到同場有個細過佢既BB都浸緊，Claire 至肯坐係池邊浸下腳，之後成個人坐落池⋯⋯不停咁要行去日本BB到想撩人玩。

我地一浸完温泉，一入房，嘩，原來成個晚餐都SET好哂。臨出發前幾日，媽媽臨時加多個兒童餐，因為怕我地大人晚飯唔夠分比妹妹食。點知⋯⋯一睇個兒童餐，就知呢個其實唔係兒童餐。 媽媽自己都肯定KO唔哂。

Claire: 我似唔似一朵花呀？

成枱都係晚飯，連地上都放了即煮飯。呢餐加埋任浸温泉加埋呢間"露天"泡湯，都係二千港紙鬆D。爸爸話好正，好抵，仲話如果晚晚旅行住既房都有咁既質素就岩喎。

兒童餐。淨係舊飯都飽。仲有三小件CAKES。

咁吸引既兒童餐，兩個小朋友食到都唔知食邊格先好。

龍蝦刺身加其它魚生刺身。好正呀～～～新鮮好味。

原來呢兩DOU，係即火煮飯。真係大鄉里，第一次見。

燒鮑魚。真係有鮮味的。

呢餐有鮑魚有龍蝦刺身外，仲有超濃味既龍蝦湯。

咦，有個衰妹食食下話飽喎，走左落去玩玩具。

Claire: 乜呀？我真係飽呀。

成人餐既甜品。真係已經飽到上心口，估唔到仲有甜品。

食完晚飯，服務員好快手好熟悉咁幫我地鋪叠叠米。仲係其中一張上，放上紙鸜。好體貼好有日本人服務既FEEL呀。

原本以為可以大覺一香，點知忽然又有服務員入來。原來係端上消夜。嘩，明明食左CAKES架啦，乜仲有消夜架？四杯暖暖的紅豆湯同一壺綠茶。呢二千蚊真係超哂值。

媽咪： 阿妹，你明明話飽架，做乜又食糖水既？

Claire: 我幫你試味咋！

Claire： 好好味架，你可以試下吖。

Claire: 真係架，你試下啦，我無呃你架。

就係咁，我地好愉快咁係鳥羽花真珠住左一晚。經過呢晚，我地都好失落，早知係咁，就住多一晚啦。因為⋯⋯⋯⋯伊勢同阪松既酒店⋯⋯真係不堪一睹呀～～～～