名古屋之旅 DAY 3 － 鳥羽花真珠早餐篇

24 Mar 15 係鳥羽花真珠好舒服咁瞓左一晚後，一早就起身去浸下呢個貴價既"露天"泡湯。特登比貴幾百蚊租呢間房，總無理由唔用架嘛。所以，趁全家仲熟睡緊既時候，媽媽就偷偷地出去浸。

日光白白，浸住睇到既海景。遠處見到陽光伯伯剛剛吐出來。

浸好個"露天"泡湯，齊齊落去食早餐。嘩，乜兒童早餐都咁豐富既？？仲要有碗飯。

大人餐仲豐富。其實呢個係咪LUNCH黎架？？？？？

總體而言，呢間酒店雖然二千幾。但就食呢方面，真係超哂班，超值。比當年我地去富良野民宿既食用安排更加豐富。令我地兩夫婦真係好難忘。的確係好可惜我地無連住兩晚。

呢個景，係向酒店LOBBY 影既。好舒服。同我係房間泡湯睇既景係一樣，哈哈。

話咁快，我地住左一晚，係時候要晨早出發去其它景點了。後邊係酒店LOBBY賣手信的一角。

呢兩個可愛既兄妹，睇落又好似樣喎。好了，大家出發，準備趕早班船去海豚島。

酒店其實有SHUTTLE BUS來往接送鳥羽駅同酒店。不過我地自己有租車，所以無用到。