名古屋之旅 DAY 4 － 臨病晚餐。鮨 魯山

25 Mar 15 由奈良坐左兩個鐘車返名古屋。CHECK IN完我地拿拿臨彈出駅上面既鮨魯山本店食晚飯。呢間食店，係向日本食評網揾到，果然係日本人為主。好似唔見有遊客。等左成個鐘，至到我地。入到去，大家又餓又攰。難得大個仔女去旅行，爸爸比佢地一人一客魚生兒童餐。不過，睇下Isaac 就知個晚大家有幾眼瞓啦。

Claire: 嘻嘻，但我唔眼瞓喎。

 雖然話哥哥眼瞓，但其實最攰最眼瞓最病個位，係媽咪本人。呢餐，係臨嘔之前既晚餐。

超濃既麵鼓湯。好記得嘔個刻，係呢種味道嘔返出黎。一句講哂，成餐貴野嘥哂。

呢盒係爸爸既便當。

呢餐食左都唔記得幾錢，不過就好記得，食完已經唔舒服。卒之返酒店獲利回吐。真係無陰公。點解會嘔？就係凍左幾日既後果，嗚嗚嗚～～