gathering again

30 July 11 呢日妹妹又有GATHERING, 所以媽媽趕返屋企就要同妹妹裝身.

Claire: 一陣會唔會有靚仔呢...

媽媽單拖揹住囡囡入場, 嘩,真係失禮死人. 一入房就爆喊出黎, 搞到各大媽媽圍哂黎睇下邊個喊得咁有中氣. 真係叫各位大開眼界. 幾經辛苦至可以clam down 左妹妹收聲, 比佢坐車仔.

基本上成場阿囡都係喊多, 所以無得影相. 唯一可以係瞓著左同全場最大份既bb仔影相(因為有一半人都走左了, bb選擇無多), 話說呢個b仔只不過大阿囡三日咁大把. 不過望落似相差三個月咁囉.

呢日媽媽同完妹妹去完呢個gathering, 媽媽就放低妹妹係屋企, 出左街. 唔知係咪咁, 佢呢日食左兩次奶樽(都係人奶), 所以半夜又復發係咁喊醒, 好似要揾奶食咁.

31 July 11 之前個晚半夜喊醒兩次, 媽媽一心諗住呢朝可以瞓晏d啦, 點知佢又要六點幾醒, 真係火都黎. 呢日媽媽又係出街, 留左妹妹係屋企, 不過只係食一餐樽(都係人奶)但半夜依然係要喊醒. 跟住翌日又係晨早六點幾醒. 捱左兩日半夜咁起身, 阿媽好眼瞓呀.

Claire: 嘻嘻, 幫你減下肥嘛, 唔夠瞓可以減肥架媽媽.

同哥哥玩

28 July 11 Claire: 做乜我個髮型咁尖既～～個頂

29 July 11 Claire: 我想扣喉～～～ 

媽媽拎左幾次呢個PLAYMAT出黎， 妹妹都無反應， 卒之呢日曉得伸手捉住啦， 媽媽覺得係一大進步。

呢日又係阿媽一人對兩個細路既時候， 呢個時候， 媽媽最叻係玩一個GAME， 就係兩兄妹一齊玩。可以一眼關七又唔會顧此失彼冷落其中一個。

 哥哥一向聽到話同妹妹一齊玩， 就最開心。估唔到妹妹一瞓落去， 隻手又係即刻摸哥哥， 搞到哥哥係咁叫。

Isaac: 媽媽， 我又學妹妹咁～～

 兩個餅印，除左頭髮外， 媽媽睇唔出邊忽唔似。

 Isaac: 你唔好食手啦

 妹妹隻手比哥哥捉住左教玩玩具。

下午哥哥唔瞓晏覺， 又要痴實媽媽。又係時候出動兩個一齊玩既時間。不過睇佢地兩個好投入架， 一個投入教妹妹玩， 另一個投入睇住哥哥玩。妹妹仲要撓埋落仔仔手臂到TIM， 媽媽無教佢架。

Isaac: 你做乜係咁捉實我呀？

 Isaac: 等我呵下你啦妹妹。     Claire: 得左。

又反常

25 July 11 因為阿囡呢日實在太惡搞， 發左成日癲咁喊， 唔知係咪食左輪狀關係。忽然變返初生咁， 日喊夜喊乜都喊， 所以阿媽索性要搞攰妹妹， 等佢快D瞓啦唔該。要佢攰就係要反轉佢

Claire: 媽媽， 乜你對我好不滿咩下？

26 July 11 仲未回復返正常既阿囡， 依然係好扭

Claire: 媽媽， 邊個叫你而家全職湊我姐， 我梗要扭多D啦

呢張相勁囉， 阿媽覺得阿妹好似比人分開左四肢咁， 好搞笑

 影個時都無為意對腳岔開哂。

Claire: 唔好影我食手啦

阿囡又係好扭計， 媽媽迫住對住佢無得同仔仔玩， 唯有叫仔仔一齊同妹妹玩算。兩隻手仔拖埋，阿妹隻手即刻唔見左。

雖然妹妹唔識講野， 但從佢雙眼， 媽媽深信妹妹係好鐘意Isaac的。因為每次Isaac 出現， 阿囡都會好開心咁望住哥哥架。

做阿哥的都好呵護妹妹

 Isaac: 你快D瞓啦， 我要同媽媽出去玩架。

27 July 11 嘩， 呢朝慘囉， 五點喊驚咁，搞左成個鐘都唔瞓， 仲忽然笑哂口對住媽媽。抱到瞓著左啦， 點知一陣又喊醒。。。。。七點幾至再入睡， 卒之媽媽頂唔順又攰得滯瞓過籠， 呢日食奶時間亂哂， 又係揾媽媽黎搞。

 雖然晨早五點醒左， 但之後瞓返呢， 阿囡又好似開始回復返好少少。仲浪對腳去個床既TOYS到， 十足當年既Isaac咁

 Claire: 哈哈， 乜我似哥哥咩？

HAPPY DAY

23 July 11 爸爸又送左個相機比媽媽， 所以呢日出去食個早餐， 媽媽都帶個新相機影相。Isaac 等左好耐， 終於呢個鯨魚噴水池有水了。終於得償所願同鯨魚影相（之前阿仔成日話同鯨魚影， 不過仲係地盤一個， 欄住哂， 所以媽媽唔影）

24 July 11 呢朝我地去左科學館， 原來真係好多野睇架喎， 阿仔係裡邊玩到不知幾開心。似乎要玩哂科學館， 真係去足一日至得

 Isaac: 你兩個做乜笑到咁～～～

去完科學館， 輪到Isaac 最鐘意既重頭劇， 就係去食野。因為姨姨生日， 所以我地去左間法國餐廳食BRUNCH

Isaac: 我淨食雞旦都飽囉

Isaac: 嘩， 舊薯仔好大舊， 哽到我想嘔

最開心莫過於食甜品， 仲要食到自己忽然卡卡聲咁笑。爸爸忍唔住都要講， 阿仔你真係好鐘意食野

爸爸叫阿仔拎住BLUEBERRY CAKE 影相， 點知有個媽媽要扮路人甲， 比爸爸話係斷頸既媽媽喎

呢個雪芭明明係媽媽筆比自己食， 點知阿仔要食， 後黎爸爸筆左一杯比佢， 媽媽幾驚佢食成杯會肚痛。

 Isaac: 嘩， 正呀～～～筆雪糕筆雪糕筆雪糕

 Isaac: 哈哈， 我都係食唔哂TIM

爸爸見阿仔咁開心， 話下次再去科學館同埋再去呢度食野喎。。。。食野係重點， 對阿仔黎講。

26 July 11 呢輪老年媽媽怕鈣質流失， 搏命食高鈣食物， 包括好憎陣味既芝士。有晚比阿仔食左一啖後， 阿仔即愛上， 暫時每日都主動要求食兩塊至收口。暫時～～～唔知係咪貪新鮮

不過呢日媽媽發覺乜阿仔食到成個大爺咁款， 爸爸話唔知係邊個教佢喎， 因為爸爸無印象自己咁坐。

手拖手， 做個好朋友。希望妹妹同阿仔日後都融洽咁相處

呢個LOOK 係阿仔大叫既樣。都唔知點解呢輪阿仔成日大叫， 以前係屋企就無所謂姐， 而家出街都會出現呢個大叫樣架。

自己係張床搏命跳， 跳完無啦啦睇腳板有無污槽喎， 不過呢個POSE媽媽覺得佢可以拎高D變左瑜珈樣囉

 Isaac: 呢隻無污槽

Isaac: 左腳都乾淨

蓮藕手

23 July 11 Claire: Hello, 我叫Claire 呀， 等我SHOW下我對蓮藕先

Claire: 之後就自由了， 鐘意點擰都得

Claire: 喂， 唔好影啦， 破壞我斯文形象呀

呢日唔知做乜， 媽媽全職後， 妹妹DAY 1 已經好聽話一覺瞓到八點幾， 點知呢， 呢晚凌晨五點喊醒。唉

24 July 11 自從個日比工人五花大縛後， 媽媽發覺妹妹就愛上比人綁住瞓。一綁呢，的確係快D入睡， 因為無得再食手仔吖嘛， 迫佢定定地咁瞓

 Claire: 工人， 你放返我出黎啦， 我瞓醒啦， 你睇我幾精神

呢日傍晚要去食輪狀， 未食之前仲係好活躍咁係床玩

Claire: 我唏。。。FING返對腳去左邊先。媽媽， 我做緊減肥體操呀

Claire: 咦， 我對腳唔見左既？？？

本來呢篇諗唔到叫乜名， 但忽然比媽媽驚覺原來妹妹對手有三截架啦， 雖然比起其它同齡BB佢算係超細碼。不過媽媽都好開心架啦， 忽然見到有蓮藕手係個囡身上出現喎， 哈哈哈。

什記

17 July 11 呢日媽媽帶埋仔仔去妹妹既BB GATHERING， 會場仲有差唔多同齡既小朋友。阿仔一見人地拆架巴士變做超人， 又走埋去湊下熱鬧

湊湊下， 變左係同哥哥一齊玩追逐囉， 淨係咁追法， 都玩左成大半場，細路仔果然係細路仔。

仲要拎埋槍去射人TIM。阿仔唔知幾時學埋爸爸教既呢招， 爸爸應該超開心啦， 得償所願啦， 阿仔出街都做到好男仔咁又跑又玩車仲要扮槍射人。

21 July 11 呢朝係都要媽媽陪佢食早餐， 食到烏咀雞咁

Isaac: 你咪影我喎

 坐都坐得成個江湖大佬咁FEEL

媽媽全職後， 仔仔朝朝都要扯住阿媽坐係度陪佢玩。最高難度係要阿媽砌路軌， 卒之搞左好耐， 阿媽要投降， 真係DOU幾個圈點解都拗唔返轉頭架～～～

睇有成三截斷左就知。仲要TOTAL有五條路。

22 July 11 呢日第二堂去上JAZZ， 其實媽媽係報左中國舞， 點知話開唔成班喎， 要改JAZZ， 時間仲要係阿仔瞓晏覺既時間。唉， 不過心諗，當比佢出去跳下發洩下精力都好啦， 所以照學。

第二堂既Isaac 一入課室就定哂形， 因為有陰影阿媽會忽然消失於課室

 可惜阿媽今次都係會消失係課室， 之後仲係聽到阿仔跑去門口想開門既聲 ＋ 喊聲叫媽媽返黎。不過媽媽今次都要忍下， 好在幾分鐘就收聲左。估計已經同小朋友一齊跑跑跳跳。

接放學時， 老師話只係喊左一陣喎，希望之後幾堂都叻叻， 唔駛怕啦。

路經既米奇佈景， 阿仔一見到就話要影相

其實最想係影個結他囉， 媽媽越黎越覺得比佢學音樂好過。等媽媽再留意下邊度有音樂班收兩歲小朋友啦。