又側身

6 July 11 無時無刻玩口水樣.

 再唔係就食手指食到答答聲. 阿妹你真係得.

7 July 11 呢輪媽媽放工返去睇相機, 見工人呢兩日都咁比妹妹挨, 其實好驚會整到佢頸骨, 因為唔知工人點放佢上去.

 Claire: 媽媽, 你放心啦, 你睇我坐得幾好

Claire: 哥哥又愛錫我喎

Claire: 不過比我扮下公主淑女咁, 斯斯文文瞓返係度影張相先.

 well, 呢個係難得一見既斯文 look.

好快就現真面目, 又側身又扯衫又食手.

 唔知做乜, 媽媽呢輪見仔仔成日想爬上妹妹張床. 呢朝工人話見証佢爬左上去, 原來係仔仔想揾阿妹玩, 又話要帶妹妹出街街

Isaac: 妹妹, 我帶你去街街吖             Claire: 唉呀, 救命呀, 我好驚呀你都唔夠力抱我既

妹妹只要雙眼一擘大, 係無停低既時候既, 唔係撩人講野就係周圍擰. 呢張唔知做乜無啦啦比工人定婆婆套實佢隻手, 慌唔係想阻止妹妹食手指咩.....之但係個玩具都唔見得乾淨囉, 叫左幾次工人洗都唔願洗, 揾日媽媽放假實捉實工人拎住黎洗.

你睇你睇, 郁身郁勢好似跳舞咁, 連墊頭塊布都扯郁埋. 唔知幾時妹妹可以成功咁轉身呢? 係就好囉, Isaac 就會好開心咁係咁撩妹妹轉身玩撲厘厘.