食糖碌波

Isaac 最大嗜好係食， 只要有得食， 電視都可以唔睇， 連玩具都可以掉低跑黎食左先。

好享受食呢個咁大粒既長柄士多啤梨

媽媽話士多啤梨同佢件衫點解一模一樣， 仲要都係有暗粒。不過Isaac 都唔得閒理媽媽， 搏哂命食。

好搞笑既自拍一張。

呢日爸爸又買零食比阿仔啦， 慌死阿仔唔會蛀牙咁。如果仔仔你大個睇返又發覺自己好細個就有蛀牙， 你話爸爸啦。呢晚又買成包糖返黎， 但屋企包夾心棉花糖啦， 朱古力曲奇啦乜都未食哂， 媽媽無眼睇。

自從妹妹出世後， 仔仔都好悶， 因為少左出街玩。所以呢日媽媽建議去玩保齡球。仔仔做第三者， 呵， 數返有無十年前呢， 爸爸同媽媽拍拖去玩保齡球， 而家同仔仔一齊玩， 再等妹妹大D， 就可以一家四口去埋踩單車打波， 真好， 我地一家四口鐘意做運動， 咁都叫多D 家庭活動一齊參與。

第一次碌齡既阿仔。又要學人拎波， 仲要大大聲話自己黎， 唔比人幫佢拎， 真係怕佢整親手仔。

不過始終得兩歲， 所以我地呢次碌齡真係碌波架咋， 你睇下

就係拎到個波放地下， 再推前

 話咁快個波就走左出去了。

阿仔碌得好開心。走左之後仲係咁講話碌波。

媽媽下一個目標係要去BOOK藍球場， 因為媽媽忍左三個月了， 卒之可以又跑又跳。到時同爸爸又再係球場玩波， 好似未生阿仔個時咁， 不過今次係多個仔仔一齊射波， 多一個人幫手一齊比爸爸嘲笑， 呵呵呵