GATHERING

17 July 11 等左好耐終於到呢日了， 因為媽媽第一次幫妹妹報名出席1103荃灣媽媽既GATHERING。第一次見咁多人， 好在妹妹大個囡左， 無失禮於人前。

我地好準時就去到會場，已經陣容好大， 媽媽都無影相， 因為好忙， 所以唔影咁多人圍埋等入場既MOMENT。

大家嘈暄巴閉又有BB喊， 不過妹妹就好定，無比其它BB感染到喊， 果然叻女

之前都無出過1103 GATHERING， 不過放產假都叫做同返同區既媽媽交流下。咁岩呢次大家又一齊出席荃灣區活動，咁岩大家都係第二任媽媽， 不如黎返張母子合照呢。。。。嘻嘻， 咁岩我地三個都係一仔一女湊到個好字。

有一張唔岩就係， 阿囡一望就細人地一個碼， 呵呵。反而Isaac 身形就同三歲幾既小朋友一樣。真係掉返轉哂。

雖然第一次見好多媽媽， 不過好多媽媽都好唔客氣架～～～～話妹妹咁細粒既～～～～WELL， 好在阿媽見到三月出世有一兩個又係唔食奶既女BB， 身形都同妹妹一樣姐。都叫鬆一口氣。

難得有旦糕 ， 借黎影下相

媽媽： 阿囡， 你望鏡頭啦      Claire: 個邊好多靚仔喎

1103 既活動， 永遠都係手快有手慢無。媽媽難得今次趕得切未FULL都JOIN到， 梗係要帶妹妹出黎玩下。下次都唔知幾時有位再JOIN了。今次人數唔算多， 不過講到大合照喎， 真係要拎個放大鏡至望到妹妹係邊。

媽媽： 我地似唔似樣呀？        Claire: 救命， 你兩個又迫到咁埋

18 July 11 工人綁起有癮。繼個人綁住阿囡瞓， 呢朝又綁住囡囡隻手仔。婆婆朝早黎到， 聽聞係咁話工人唔好咁綁住阿囡隻手喎。

 Claire: 你做乜綁住我隻手呀？

 Claire: 哥哥，你又影我呀？

而家妹妹食手進步到要兩隻一齊食， 真係無佢符。囡呀囡， 你食奶係咁就好囉。