無儀態

10 July 11 阿妹又玩到自己無哂儀態, 都唔知點解連個枕頭都可以比佢飛埋出黎, 變左無枕頭瞓.  妹妹你好掂.

媽媽都唔記得呢張係咁岩妹妹合埋眼影吖, 定瞓著左覺黎影. 不過又係無儀態. 仲要啜住手指黎瞓, 媽媽都唔知第時點幫你戒好.

Claire: 咪嬲啦媽媽, 我放返隻手落黎囉.

瞓醒覺, 媽媽同妹妹沖完涼就黎玩下趴低. 妹妹頸力越來越強了.

11 July 11 呢日媽媽夜晚睇返相機, 原來無影相架. 拿拿聲幫妹妹影返每日一照先, 唔係又斷一日了.

12 July 11 Claire: 哎呀, 又比你影到我食手 tim

Isaac 真係好鐘意妹妹, 成日爬上妹妹張床抱起妹妹, 唉, 媽媽睇到呢幾張相真係心都震埋. 點解工人仲可以影相架, 話哂 Isaac 仲細, 控制唔到自己力度, 妹妹腰骨又未硬, 唉, 一陣有乜整親都唔知話邊個好.

Isaac: 妹妹, 同你影張相吖       Claire: 我就黎比你cool 到抖唔到氣

Claire: 喔........我坐唔穩架工人, 你咁就放手                

Isaac: 咁我搭住你唔比你跌囉       Claire: 都係哥哥好

Isaac: 妹妹, 你要乖乖

Claire: 我好苦惱, 究竟點至可以反到身呢

呢張相要post, 雖然唔清楚. 但因為係 Isaac 影既. 家下 Isaac 成日拎住個相機周圍影, 仲叫媽媽擺埋pose, 真搞笑. 所以要post 返一張, 比佢地大個睇返.