濕地爬爬

25 Apr 12 又去濕地, 短短一個月去左兩次, 真係熟哂駕步. 咁岩妹妹行路進步神速. 真係健步如飛. 自己好COOL咁行.

Claire: 我記得有個SIR 滑梯既.... 

兩兄妹扮COOL??!! 想點呀... 

食完飯再行一陣, 三個一齊去小朋友天地, 就係SIR 滑梯, 大家一齊唔夠高, 無得上樹玩.

Claire: 我覺得呢度仲好玩啦 

Claire: 咦, 上次唔見有呢個轉盤既   媽媽: 梗係, 上次都無比你自己爬上黎 

睇下妹妹點爬? 係同學仔媽媽建議下, 媽媽試下比妹妹自己爬下. 不過細細粒, 手腳仲係未夠長, 似乎有點難度

嘩, 爬緊喇....其實係媽媽係後邊托住, 借下力. 因為妹妹仲未夠力撐上去, 希望下次可以自己爬啦.

蝦碌鏡頭, 就係真係趴左係度, 呵呵.

Claire: 卒之上到喇  

Claire: 唏, 再撐埋上黎, 成功..... 可以SIR 返落去

呢日同哥哥同學仔一齊黎, 玩左成三個鐘至走. 走既時候, 妹妹攰到呢, 已經瞓著左. 呵. 希望下次妹妹可以自己識爬上呢個滑梯到啦. 鍛鍊下自己肌肉嘛.

trial @ kids concept

24 Apr 12 呢日同妹妹去TRIAL BABY GYM, 其實之前都想幫妹妹報PLAYGROUP等佢無咁怕生寶, 同埋合群D. 之不過之前媽媽都諗又唔知會唔會返工, 都係唔報住. 費事無人帶妹妹返學嘛.

咁岩屯門有間 PLAYGROUP 新開, 仲有免費試堂. 咁岩成班媽媽一齊報TRIAL, 我地就一齊上. 係妹妹第一次上PLAYGROUP.
 
不過呢朝朝妹妹可能知要晨早TRIAL, 興奮過度, 晨早六點幾就左. 所以到上堂前, 係BB車瞓左, 卒之比媽媽夾硬的佢起身, 魂魄都未回, 仲未知發生乜事. Claire: 我而家係邊, 係咪發緊夢呀, 咁多BB既?   





一副未瞓醒既樣.

一開始, 唱下歌仔做下動作仔咁. 不過導師好麻麻, 好明顯經驗不足. 導師自己都唔係好知自己想點, 一副一路帶一路諗既樣. 阿妹就乘機嗲一嗲, 唉哂落阿媽度.

做完動作, 跟住就係自由活動. 都叫做有五PART SETTINGS, 不過係好簡單架囉, 有跳彈床仔啦, 有打筋斗  第一次打筋斗, 仲要比人的起, 妹妹出乎意料之外, 一D都唔喊. 只係打完後, 好似唔知發生乜事咁, 好搞笑. 四個SETTINGS中, 仲有踩踏板, 仲有捐洞仔.  阿妹捐左入去, 坐左係裡邊, 唔肯出黎. 坐係出面既導師, 一點熱心都無, 只係好求其咁, 拍下手, 妹妹唔出佢都無再諗計仔.
 
最後一個係SIR滑梯

個場咁簡單又咁細, 真係無乜新奇刺激既野, 係媽媽去過GYM TRIAL最求其最呃錢既一間. 可能妹妹都知, 所以妹妹最有興趣, 係自己拎波玩. 
Claire: 我想拎呢個玩      

Claire: 呢D仲好玩過GYM啦

Claire: 你估下我係邊個?  



Claire: 你好似執左我個波喎

 

最後哥哥跌左個波, 阿妹即快步追上, 為左執波. 由呢個波, 媽媽至知, 乜原來阿妹你可以行咁快架? 

HEA 下 HEA 下終於夠鐘, 但又未走得. 最後導師拎BUBBLE出黎吹, 可惜吸引唔到妹妹目光

  Claire: Autie, 我想問, 點解你地個個坐哂係度?

 好辛苦至等到放學, 其實成程都唔知做乜好囉, 場又唔係大, 導師又好泠淡, SETTING又唔吸引. 睇下妹妹寧願玩波就知.

完哂TRIAL, 成班媽媽齊齊去飲茶, 哥哥放學一齊黎埋. 睇兩兄妹幾親密.

Claire: 我介紹吖, 佢係我哥哥呀

係GYM無影相, 臨走影返張先. 一共九個BB, 陣容幾大

不過返到屋企, 哥哥唔肯瞓晏覺, 卒之到我地黃昏去超級巿場買餸時, 哥哥去左揾周公, 阿妹就叫哥哥起身.

開心果

23 Apr 12 如果有追BLOG, 就知Claire 由出世開始, 係絕對合資格稱為惡湊BB. 由起身到瞓覺, 除左喊之外, 就係喊, 日喊夜喊, 野又唔食, 奶又唔飲. 喊到媽咪真係遲早有產後抑鬱. 不過一歲後, 媽媽發覺妹妹除左係喜怒形於色外, 仲有係, 好鐘意笑. 取代以往既喊. 睇下呢日咋嘛, 媽咪都無同佢玩, 只係坐係側邊陪佢, 但阿妹一個人都可以笑到咁開心. Claire:等我學哥哥以前咁, 拆地墊玩先   

Claire: 咬你

咬到個U字都有口水印, 真係點可以唔勤力清潔呢.

媽媽唔想比阿妹不停拆地墊咬, 於是乎拎盒書出黎諗住教下妹妹形狀圖案啦. 點知, 書唔吸引. 個盒至吸引.
Claire: 哈哈, 我想玩呢個盒呀

大家明唔明妹妹笑乜? 做人阿媽都唔明囉. 媽咪都無同你坃, 做乜係咁拎住個盒傻笑呀.

原來係拎個盒笠自己個頭, 咁都自己玩一餐再自己傻笑. 阿妹你係得既.

媽咪: 你笑到口水都流埋出黎喇.

Claire: 呀~~~但好好玩呀, 我見唔到你呀媽咪. 流口水咪口水囉. 

Claire: 嘻嘻, 笑死我....原來個盒可以咁玩

又去公園

22 Apr 12 呢日周日, 因為之前都成日落雨, 搬左去新屋後, 媽媽都唔得閒點同仔女出去玩. 趁呢日周日, 居然暫停一日落雨, 媽媽興起就捉住工人姐姐, 帶埋仔女出公園玩. 爸爸話要留係屋企喎. 
帶頭陣既係妹妹, 跟住係踩緊單車既哥哥.  

Claire: 我又想踩呀~~~

明明天氣報告話呢週落雨, 點知呢日好好天, 仲好熱又好猛太陽. 真係熱到溶咁滯.
Claire: 好熱呀~~~

本來係玩吹泡泡, 但哥哥玩到厭, 所以我地去左遊樂場玩. 睇下妹妹一玩滑梯, 四萬咁口.

Claire: 哈哈, 再黎過吖

熱到溶. 不過兩兄妹咁好彩一齊輪到有千秋打, 幾大都比妹妹試下啦, 妹妹第一次玩千秋咋. 仲要係兩兄妹一齊玩, 可以黎個大合照.    

Claire: 我坐左落去, 會唔會顯得我好細粒呀?

咁睇又好似有少少肉地喎, 不過以一歲年紀黎講, 都係細左少少.

Claire: 等我學哥哥咁, 自己挨前郁個千秋先

Claire: 都係唔夠哥哥高

臨走, 哥哥又要霸住部單車. 媽媽話, 要一人輪玩一次. 所以回程係妹妹既. 睇下阿妹坐左上去, 幾咁招積.不過妹妹好百厭, 鐘意企係單車上面, 好危險呀 

你睇你睇, 又企.