第一次去山頂

11 Apr 12 哥哥生日, 媽媽諗唔到節目, 因為爸爸要返工嘛. 諗諗下, 不如遊車河啦. 帶兩兄妹上山頂坐下纜車都好. 卒之兩兄妹係第一次坐纜車咋. 順便叫埋婆婆一齊去. 識行識走既Claire, 而家要抱實佢都幾難, 因為一定嘈要落地.   Claire: 放我落去呀~~

Claire: 唔好捉住我啦, 我想行個邊

幾經辛苦至夾實兩兄妹同架纜車影相

天氣預告明明呢日多煙霞, 點不知幾咁好天, 仲好好好熱tim

睇兩兄妹咁疏乎比人抱住都 la 埋塊面, 就知有幾熱.

實在熱到溶, 不如一人一支雪糕~~妹妹食手指餅, 無得食雪糕, 媽媽食陽光, 因為本來諗住同哥哥share既, 點知哥哥唔比媽咪食, 嗚嗚~~~

上完山再搭船去尖咀食飯, 媽媽揾左個望海既餐廳, 諗住一路食, 一路比哥哥睇激光匯演見識下.  等爸爸放工時, 三個人好無聊咁研究緊餐牌同餐廳提供的小朋友貼紙
Claire: 我一陣食乜好呢~~

Claire: 哥哥, 生日快樂呀~~~我想食你件旦糕

係度偷笑既妹妹, 最後搶食旦糕不果, 卒之發脾氣. 家下最叻係搶大人野食, 再最叻係郁D發爛渣LUR 哂地.

食飽飽, 走既時候又比妹妹行下, 睇下, 又係拿起哂衫褲黎行. 卒之去足一日, 翌日媽媽瞓醒, 膊頭腰骨都好痛呀, 真係唔可以睇少揹妹妹一日的後果.