我三歲喇

11 Apr 12 Isaac:我三歲喇. 呢日阿仔三歲囉, 話咁快就三年, 想當年仔仔出世一刻, 媽媽仲好記得. 不過三歲生日呢日, 爸爸要返工, 所以媽媽自己諗節目, 同工人姐姐一齊去, 咁岩臨時加埋婆婆, 一行五人, 一齊上山下海, 比仔仔大開眼界搭下唔同公共交通工具, 因為Isaac 呢幾個月迷上各種交通工具, 由朝到晚都不停趴地對住玩具車係咁開門關門, 成日迫媽咪睇下點關門門.....睇黎睇去, 一日迫媽媽睇幾十次. 媽媽又要坐定定睇喎, 呢日唔駛坐定定啦. 一於親身感受下電車巴士小巴點關門先.  

原來花園道纜車站, 有李家誠長駐架喎, 媽媽真係OUT, 好耐無上過山頂了.

兩兄妹第一次搭纜車, 媽媽點都要迫佢地影相. 不過得哥哥企定定. 阿妹好似要捉雞仔咁, 不停捉.

一副眼瞓樣. 真係辛苦你啦, 生日大哂架嘛, 但咁眼瞓都無得瞓晏覺TIM

Isaac: 唔緊要啦, 有大貓貓陪我, 我都精神返架

Isaac:嘩, 仲有巴士TIM

除左巴士, 仲有阿仔最鐘意既士多啤梨味雪糕. 咁大熱天時, 無雪糕真係唔得.

Isaac: 媽咪, 你睇下, 我有雪糕食, 你無得食呀

上完山頂, 仲帶左Isaac去搭船, 接爸爸放工, 一齊食生日飯. 你睇, 成餐飯, 阿仔最開心, 就係呢一刻. 相機都唔望.

媽媽祝你健健康康, 快快樂樂. 聽聽話話.