兒童節

嘩, 搬一搬屋, 停左咁多日無寫BLOG了, 又係時候追返舊POST
3 Apr 12  呢日約左哥哥同學仔一齊去玩. 臨時有人甩底, 所以得兩個小朋友去咋. 出發前, 係屋企樓下影張合照先. 哥哥主動攬住妹妹, 幾温馨.

Claire: 又熱又悶.....

小朋友鐘意坐水上單車船仔餵下魚魚, 媽媽同妹妹淨係負責坐, 唔駛郁.

Claire: 我型唔型呀

Claire: 飲埋果汁仲 cool 呀

吖, 之前比妹妹飲果汁, 妹妹唔肯飲. 而家反而肯飲. 莫非大人, 識食左?

呢日去公園玩, 妹妹都唔係可以行到好耐架咋. 不過行幾步都夠妹妹大笑, 引以為傲

4 Apr 12 兒童節, 媽媽約左幾個屯門媽咪出黎玩下. 不過妹妹去到已經瞓著左. 到瞓醒, 又要扮下嗲先.

岩岩瞓醒既呆樣. 仲未知自己去左邊咁

Claire: 做乜我會黎左呢度架?

好在有哥哥陪, 熱下身.

但點解變左同哥哥玩既呢? 無計啦, 哥哥又悶, 咪又要同妹妹玩. 其實係兩兄妹換左地方玩咁

卒之熱身完畢, 阿妹出左去拎人個波了.

不過又要顧哥哥, 所以又係一齊坐搖搖馬.

已經識行但仲係好細膽既妹妹, 懶係驚咁要扶實.
 
不過當見到有個bb食餅餅時, 就自己乜都唔扶咁行埋去囉. 但又要怕羞唔敢拎人地比既餅餅......身旁為細妹妹半個月, 都係細碼b的心心. 不過都大隻過妹妹.
心心: 你影乜野呀?