一歲啦

1 Apr 12 一年前既呢日, 媽媽經歷左陣痛加催生後, 恩恩自己爬出黎, 都等唔切醫生黎已經要出世, 好在醫生臨急出現接生. 順利成為寓人節BB.  正所謂寓人節, 梗係要玩下人. 所以呢一年, Claire 好努力咁整古我地全家上下. 真係無人有佢符. Claire: 係咩? 乜我無意中都可以整古人架? 

Claire: 我含羞答答呢個樣, 呃得下人架喎. 唔似整古人既BB

Claire: 媽咪話一歲大, 要正正經經坐定定影返張大個相

Claire: 阿哥, 我比你壓到我面容扭曲喇

兩兄妹幾咁融洽, 不過而家已經識得互相爭野玩.

呢日我地其實又去小朋友既生日會. 一歲大既妹妹, 落地行鬼咁興奮, 成日擘大口大笑.

一係擘大口定左形.....好奇諗緊呢個係乜水?

女仔即女仔, 妹妹拎左支波波花, 鬼咁開心, 你睇, 有相為証架. 擘大口大笑仲大叫, 係咁拎住支花FING. 返到屋企個幾日, 仲拎住支花通屋行, 真係好可愛.

2 Apr 12 Claire: 我支花去左邊呀??

Claire: 等我拎返支花影相先....

一歲大既妹妹, 已經識行, 不過都會跌架. 仲有已經食過奇異果, 蘋果, 雪梨, 香蕉, 牛油果. 菜就仲未開始食西蘭花, 等遲D過哂針氣先試啦. 不過已經食左旦白, 面包等等. 一歲大既妹妹依然堅持減肥, 所以得16磅咁輕. 

健康院終於轉介見下醫生. 不過醫生只係建議三個月再觀察下體重. 姑娘就話戒半夜奶, 日頭加多一餐固體好過. 食到至得架. 阿妹鐘意含野妹多過咬黎食. 唉, 唔知呢D 日子要幾時至會過. 

不過見到妹妹越來越大, 有點唔捨得, 仲好懷念抱住一舊綿花既BB呀.