playhouse的姑厘

係megabox 既playhouse, 媽媽發現, 原來Claire同哥哥當年一樣, 都咁鐘意玩大力士做姑厘架喎.
 Claire: 我抬~~~

 Claire: 哎呀, 跌左, 再執

蝦碌鏡頭, 執野變左自己趴左係上面.

Claire: 咁衰, 趴左我係度, 等我坐實你先.

玩姑厘玩上癮, 無視呢舊再大既凳

又真係好正經既搬運工人喎.

究竟Claire 想點呢?

咁辛苦搬黎抬去, 原來係要砌呢兩舊六邊形既坐凳. 點解咁似哥哥當年咁既. 果然係兩兄妹呀~~~

Claire: 媽媽, 我又發現左新架~~~

除左姑厘, megabox playhouse係兩個區之間, 仲有條車道. 妹妹就來回玩左幾次, 都幾刺激架.

Claire: 嘩, 點解我個人會向後架~~~~衝力好勁呀

不過呢間playhouse麻麻地大, 所以我地玩左一個鐘多d, 就走了. 下次再揾下其它大一點的playhouse 比兩兄妹放電至得.

MEGABOX PLAYHOUSE

23 Nov 12 呢日哥哥學校假期, 爸爸媽媽請左假, 本黎諗住係去迪迪尼既. 點知朝早落雨, 爸爸話唔去喎, 改去APM間PLAYTOWN. 點知下午一點雨都無, 早知去迪迪啦.

Claire: 好野, 爸爸媽媽放假同我去玩玩.

係apm 食完飯, 我地好急腳咁去PLAYTOWN, 點知執左. 跟住打的去最近的MEGABOX 既PLAYHOUSE. 平日入場五十元一位小朋友包一個大人. 算平, 不過地方好細架咋~~數埋其實得幾個區. 同埋空氣好焗. 唔似得playtown開行冷氣等d空氣清新d.

 係所謂既85cm樓下區, 有個波波池, 細到無論.兩兄妹落左去, 仲有幾多位剩, 一望就知. 阿妹玩到走個時, 至warm up 到瞓哂落波皮池到. 其實媽媽就好麻麻了, 額係覺得好多菌. 仲要瞓哂落去喎.....

其實megabox既playhouse一入去, 就係呢個射波區. 阿妹最鐘意係呢度執波仔.

Claire: 等我執多D比哥哥射波先.

合兩兄妹力量, 話咁快執左兩籃波.

係射波個度, 有兩條橋仔, 一路行一路震. 以為阿妹會驚啦, 吖, 點知跟住哥哥, 乜都唔怕.

其實呢間PLAYHOUSE好似無乜野玩, 唯一阿妹玩到唔願走, 就係呢個波波大池.....話係比110CM以上小朋友玩既. 不過平日人唔多, 媽媽都陪佢入去玩.

Claire: 嘻嘻...呢度仲大過頭先個BB波波池.

玩左好耐波波, 媽媽就欽點左爸爸帶妹妹上去爬下. 比多點體能運動阿妹. 呢個亦都係成個PLAYHOUSE唯一一個110CM以上的區(其中一條滑梯係SIR落上面張相既大波波池到), 所以可以想像, 設施係幾咁有限.

又係110CM區, 係爬上去SIR 另一條滑梯.110CM區就係咁簡單.   

兩父女一樣POSE咁跣左落呢條長滑梯到.

係110CM區同85CM區之間的搖搖動物. 媽媽覺得兩父女呢下表情好一致咁喎(個咀)

110CM區同85CM區可以玩既係咁多. 得閒再POST下兩區之間個兩百呎地方有乜野比妹妹玩啦.

 

惡霸出巡

<sup>小霸王公主出巡~~~不過唔係坐轎, 而係坐單車咋.

 Claire: 媽咪, 部單車襯唔襯我呀?

每次到呢個公園, 通常都有小朋友吹泡泡.Claire: 我去追泡泡先.

 Claire: 我鐘意睇泡泡....不過我麻麻地鐘意追架咋

惡霸小公主等左年半都無頭髮. 媽媽的起心肝買左把唔平既木梳比佢. 希望按摩得多, 快 d 出頭髮啦.
Claire: 呢把就係媽咪買比我按摩既木梳.

Claire: 其實帶頂帽咪可以遮住我無頭髮既問題囉. 駛乜嘥錢買木梳姐.</sup>

無有怕

18 Nov 12
Claire 自小唔怕動物, 貓貓狗狗都好好奇咁走去望一輪. 每次出街, 屋企附近都有好多大隻唐狗, 妹妹每次見到, 都雙眼發光跟踪佢地架.

咁岩呢日, 屋企樓下擺左狗隻領養中心既booth, show左幾隻大狗. 妹妹睇到唔願走.

全場最大係呢隻, 身型大過哥哥, 我估如果屋企養咁大隻狗, 惡死的妹妹實當馬仔咁騎住通屋走
Claire: 乜姐....而家佢咪同我差唔多高咋嘛

Claire: 狗狗, 乖乖呀~~~


Claire: 媽咪, 幫我同狗仔影張合照呀

唔怕狗既妹妹, 居然係咁摸. 媽媽睇返張相, 真係牙煙呀~~~如果咁岩比隻狗咬落去, 真係縮都縮唔切.....

兩兄妹, 一個鐘意貓一個鐘意狗. 會唔會我第時間屋又有貓又有狗既呢

 

聖誕首影 @ 屯門

今年係妹妹第二年聖誕, 呢年妹妹已經唔係一舊飯了. 而家見到裝飾會話靚靚, 仲停哂係度望又要行去睇. 好在呢朝送完哥哥唱歌見人少少, 即刻拉妹妹落黎一齊影.
人仔細細顯得張凳仲大.....

呢架車車唔識郁, 不過自從台灣玩搖搖車仔, 忽然跌左落地後, 而家佢坐親玩具車, 好似呢次咁, 佢一坐入去, 就話驚驚.....

無錯, 妹妹手裡拎住係本書. 唔知點解, 最近書不離手. 出街都要拎書.

Claire: 媽媽, 我想去返個邊呀, 個邊多D公仔...

Claire: 媽媽, 點解隻貓貓咁似我身上邊個公仔既?

其實我地只係用左十分鐘影相, 就好快走...因為要接哥哥放學. 下次再影耐D 啦. 但點解呢次屯門聖誕裝飾, 咁細路仔既, 好似一點聖誕氣氛都無咁.

台行臨走一日

21 Oct 12 呢日, Isaac 第一次行路軌, 可惜未行, 已經皺哂眉頭一臉愁苦話唔鐘意行路軌.  好在, 一開波有支冰條比佢姐. 卒之有返笑容.

 Isaac: 點解咁得意既, 咁多竹條架.

好辛苦咁完哂成個小火車之旅, 我地去到十分吊橋, 又係 Isaac 第一次行吊橋, 估唔到一點都唔怕喎.
 仲企定定影相tim

 不過一行完吊橋, 一對活孖寶又係到整古做怪. Isaac: 我地都無眼睇呀.....

 爸爸媽媽行到好攰, 就係為左呢個十分瀑布.....Isaac 叫做到此一遊.

去到平溪十分, 周圍都有天燈. Isaac 話要放, 好在瀑布又有得買姐.....錯有錯著, Isaac 自己寫左個小字. 呵呵呵

 Isaac: 做乜媽媽爸爸迫我企係度同天燈影相既....

 準備放天燈時, 又迫Isaac 影一張. 到人地點左火, 叫Isaac埋黎時, 叫極都唔黎. 就黎燒死媽媽了~~~~好熱呀個天燈(點左火後)

經過一天唔享受既路軌之行. 好在夜晚我地去ps bu bu 車餐廳姐. Isaac 一見架車, 已經忍唔住係咁笑. 又興奮到走去開門. 佢最鐘意車係可以開門又關門.

 Isaac: 我仲鐘意呢度有得借車黎玩呀

食完哂飯, 我地去附近既士林夜巿, 咁岩有呢 d 小朋友造型既旦糕仔賣. 岩哂兩兄妹. Isaac 第一件係要食呢支槍.
 Isaac: 我似唔似警察

原來男仔天生係鐘意車同槍的.