第一次interview

3 Nov 12 Claire 終於邁向佢人生第一個面試. 呢日天氣唔係好凍. 我地可以扮得斯文淑女點, 爭取印象分. 不過衰妹又係食到飽時, 含住啖飯. 搞到臨出門口, 要迫佢吐返黎黎都攘一輪.  Claire: 我夠唔夠斯文呀?

預早半個鐘去到, 諗住可以WARM UP下玩下遊戲. 點知無得玩, 全部被迫坐哂出面等. 悶到妹妹呆哂. 媽媽唯有不斷美麗的謊言, 係咁講, 睇下, 我地入去玩滑梯啦, 好無呀. 妹妹每次都點頭, 跟住有人入去時, Claire又會跟埋去....不過行到玻璃門, 又會睇下媽媽有無一齊入去. 幾次都係咁. 見媽媽唔郁, 就話: 去.... 媽媽答佢: 未到你呀, 等多陣好無? 妹妹又會好聽話咁點頭.

咁岩呢個姐姐坐我地對面, 媽媽係咁出盡法寶要保持Claire 處於興奮status, 唯有叫妹妹去同呢個姐姐玩. 吖, 估唔到Claire又會咁熱情喎. 走埋去捉住姐姐隻手. 媽媽仲諗住, 掂啦, 你咁熱情唔怕羞, 一陣interview應該ok 啦掛

點知叫我地時, 初頭Claire仲可以同老師揮手say hi, 不過佢一直以為係玩滑梯煮飯仔. 點知無得玩, 反而我地入左課室...入到去仲好serious咁坐打對面問問題. Claire 成程都唔答又唔望老師, 又唔應老師. 就算媽媽幫口, 都係唔肯做. 淨係間唔時挨住媽媽. 呢part 可能零分都似. 問完一輪, 又走去玩具房玩. 個度有兩三個老師比分, 唔知係咪比體能分定係禮讓分了. 如果係比禮讓分, 妹妹應該合格掛, 因為佢無推撞人又無粗魯, 反而玩玩下仲自己坐埋一邊玩煮飯仔. 跟主無幾耐, 老師又宣佈要say bye 了.

咁岩幼稚園出面, 有個滑梯, 妹妹二話不說, 就走左去玩了.

 一點都唔知自己著緊裙既妹妹.

呢張相, 係咪好有學生feel 呢, 嘻嘻.

Claire: 我 sir 落黎喇.

媽媽好肚餓, 因為成兩點仲未食野. 同妹妹講, 陪媽媽去食野好無. 好簡單一句, 妹妹就放棄玩, 向食出發. 睇佢行得幾咁快

扮完淑女, 返到屋企梗係真性情啦, 睇佢食粟米都擘到對腳咁大就知一點都唔造作.  Claire: 我仲撩埋牙tim 呀

黎緊周六, 又有個interview, 唔知妹妹到時會唔會慣比人咁serious 問野呢.