二次遊台

三歲半既 Isaac 又遊台北了. 呢次係佢人生中第二次既台灣之旅. 因為 Isaac 已經大個, 所以呢次行程, 百分百為佢而編制.

19 Oct 12 每次坐飛機, 最鐘意係坐無人駕駛. 呢朝無乜人. 媽媽仲拖左佢去坐車頭, 睇下無人駕駛既火車有幾快速往前駛. 拖住妹妹影張留念照. 好一個哥哥樣喔.


雖然係小朋友, 但都好似大人一樣, 一到埗就興奮到傻左.

一落機包車司機已經等我地, 真好. 第一站直出飛牛牧場. Isaac 見到個擺設, 已經忍唔住要上去影相.

Isaac: 媽媽, 我係一朵小花花

去到飛牛都成點, 放低行李拿拿聲醫肚, 阿仔對飯無興趣, 唯獨對呢個波波的牛奶布甸就好期待. 個布甸要用牙簽篤穿個袋至可以食, 好特別架.

食飽左, 即飛奔去餵牛仔飲奶奶. 每場名額有限, 我地好趕呀~~~~~~好在去到仲有奶比我地餵咋 好似爸爸enjoy多d 囉

 Isaac: 不如我地去餵牛食草啦.

 Isaac: 影張相先.....

餵完牛, 我地又走去餵下羊仔. 睇下 Isaac 幾叻, 餵餵下, 自己夠胆餵喎. 條草好細條架咋, 媽媽都怕比羊仔含左隻手.  

 餵動物都唔及呢個玩沙池咁吸引. 玩到 Isaac 唔願走, 係咁坐係度筆黎筆去. 又係咁話聽日再過....當然我地翌日瞓醒都有黎呢度比阿仔玩多轉沙啦.

但講到笑得最真, 就點都唔及佢係草地放電係咁跑個一刻. 男仔即男仔, 點都鐘意跑跑跳跳.


 Isaac: 妹妹, 做乜你唔跑既?? 好好玩架喎

 Isaac: 等我跑去媽咪到先~~

途中, 遇到呢札禾草捆, 嘩, 阿仔笑到呢~~~~咁碌都玩一餐. 兩父子真係. 反而妹妹係咁大叫唔好, 唔好~~~~驚驚呀.

玩既時間好快過. 話咁快又要催兩兄妹返去沖涼晚飯. 因為八點鐘, 飛牛有包埋既DIY活動...原來係整牧草棵. 睇下阿仔幾專心咁攪

好少可係香港會有呢個咁合拍既場面.


怕污糟既 Isaac 後黎索性睇算. 淨返爸爸一個包.

大功告成, 蒸熟左既牧草棵. 右邊圓形個堆係爸爸包既. 左邊係同枱既台灣人包既.  見兩父子咁落力搞, 媽媽勉為其難食左一舊, 呵呵. 都算好食.