小人國放電

20 Oct 12 呢朝我地十點就去到鴨場, 睇鴨BB巡遊. 原來鴨堆聽到吹哨子聲, 會跟住職員~~~~因為跟住有大量野食嘛. 最後, 各人都可以餵鴨鴨架. 可惜D鴨行得太快, 影唔到鴨照. 


餵完鴨, 我地出發去小人國. 一去到, 阿仔嘈住要係咁影相. 其實佢機動遊戲應該放係正門入口附近吖嘛, 咁咪唔駛嘥哂D時間囉. 
 Isaac 最鐘意飛機汽車, 當然唔少得同飛機影相啦. 

 可愛的小火車. 跟住我地係要坐火車, 至可以進到棧動遊戲區既. 

 Isaac: 點解得我一個人渣既~~~
睇機動遊戲既size, 就知呢個小人國, 真係比小朋友玩. 再過幾年, Isaac 黎到就唔岩玩了. 

 排呢架車, 排左幾個字, 點知差唔多到時, Isaac 居然話唔坐前邊渣車, 要做乘客喎, 激死爸爸. 

 跟住又係坐小火車.....乜真係咁多車架呢度. 

 第一次一個人坐碰碰車. 開頭成舊云咁, 唔知要點控制, 差唔多到玩完至識點轉彎同向前向後. 

玩左成日, 攰到呢~~~~媽媽同妹妹一於無眼睇...

夜晚返到台北酒店. 仔小入到酒店, 都周圍揾野玩. 呢次都唔例外, 同妹妹走左去玩燈.