聖誕首影 @ 屯門

今年係妹妹第二年聖誕, 呢年妹妹已經唔係一舊飯了. 而家見到裝飾會話靚靚, 仲停哂係度望又要行去睇. 好在呢朝送完哥哥唱歌見人少少, 即刻拉妹妹落黎一齊影.
人仔細細顯得張凳仲大.....

呢架車車唔識郁, 不過自從台灣玩搖搖車仔, 忽然跌左落地後, 而家佢坐親玩具車, 好似呢次咁, 佢一坐入去, 就話驚驚.....

無錯, 妹妹手裡拎住係本書. 唔知點解, 最近書不離手. 出街都要拎書.

Claire: 媽媽, 我想去返個邊呀, 個邊多D公仔...

Claire: 媽媽, 點解隻貓貓咁似我身上邊個公仔既?

其實我地只係用左十分鐘影相, 就好快走...因為要接哥哥放學. 下次再影耐D 啦. 但點解呢次屯門聖誕裝飾, 咁細路仔既, 好似一點聖誕氣氛都無咁.