再戰大美督

20 Sep 13 見呢輪好似涼涼地， 所以， 我地約左姨姨婆婆一齊去大美督玩。點不知就撞正呢日曬正， 熱過之前幾日TIM。真係暴曬住玩， 辛苦到呢。

特登帶埋架單車諗住比Isaac 踩啦， 點知佢唔想踩， 要坐家庭單車喎。激死。好在都叫做踩過姐。

曬到正， 返到屋企變黑炭頭。

不過無損小朋友玩樂心情。同爸爸玩飛碟玩得幾咁開心。

爸爸：喂， 你唔駛咁狼掟過黎喎， 我同你好近架咋。

Isaac: 咁你又飛到咁高咁遠， 我點接姐。

Isaac: 呵～～好眼瞓呀， 都係坐家庭單車舒服D。

黎大美督， 又圓Isaac 再釣魚既心願， 可惜今次坐左成兩個鐘， 都無一條上釣。

Isaac: 我都係食野好D， 你地慢慢釣埋佢啦。

次次黎大美督， 好似都唔係好郁動咁， 但每次返到屋企， 媽媽都好攰呀。真係淨乾曬都攰死人。希望下次再去時，天氣唔好再咁熱， 咁就更好玩了。